Jueces 5:1-31
5 Feichi antü, Débora engu Barac, Abinoam tañi fotüm, tüfachi ül ülcantuingu:
2 “Pu hueichafe* tünai lonco nielu Israel mu,*pu che quisu tañi pin mu amulu ti hueichan mu,¡püramyefimün ta Chau Jehová!
3 ¡Pu lonco ülmen, allcütumün! ¡Pu ñidolcülelu, cüme allcütumün!
Iñche ülcantulelafiñ ta Jehová.
Ülcantuan tañi püramyeafiel* ta Chau Jehová, Israel ñi Ngünechen.
4 Chau Jehová, tripalu eimi Seír huincul mu,ca trecalen tripalu eimi Edom mapu mu,nüyüi* ti mapu ca ti callfü huenu hutrunagi ti co,*ti tromü mahun-ngetui.
5 Tati mahuida lliuhui* Chau Jehová ñi adquiñ mu,ca Sinaí ti huincul lliuhui* Chau Jehová ñi adquiñ mu, Israel tañi Ngünechen.
6 Samgar ñi antü mu, Anat ñi fotüm,ca Jael ñi antü meu, huellilerquei tati rüpü.
Pu che miyauquelu ca rüpü inaingün.
7 Mülehuelaingün* pu Israel che lelfün mu,mülehuelai engün, huelu cüpan iñche, Débora.
Cüpan iñche quiñe ñuque reque pu Israel che mu.
8 Fei engün dullingün caquelu dios.
Fei hula mülerumei hueichan fillque huaria ñi puerta.
Rangi 40.000 Israel che mu, pengelai quiñe escudo ca quiñe huaiqui no rume.*
9 Iñche piuquentucuniefiñ pu loncolechi soltau Israel mu,quisu tañi pin mu amuingün ti pu che engün.
¡Püramyefimün ta Chau Jehová!
10 Eimün pu püracahuellniefilu pu coli burro,eimün pu anülelu rume falichi alfombra mu,ca eimün pu miyauquelu rüpü meu,¡raquiduamcülemün!
11 Inaltu rünganco mu* allcüngei ñi dungun pu hudamcaquelu ti co.
Tiye meu nütramcamequeingün tati cümeque dungu ñi femün ta Chau Jehová,ca tati cümeque dungu ñi femün pu Israel che lelfün meu.
Fei Chau Jehová ñi pu che nagpui pu huaria ñi puerta mu.
12 ¡Trepenge* Débora, trepenge!
¡Trepenge, trepenge, quiñe ül ülcantuaimi!
¡Huitrapürange Barac! ¡Eimi Abinoam ñi fotüm, tami pu presu yetufinge!
13 Pu mülehuechi che nagingün cheu ñi mülen pu ülmen che,Chau Jehová ñi pu che cüpai iñche mu tañi quehuayafiel pu nehuen-ngelu.
14 Efraín troquiñche mu tuhuingün pu mülelu laf mapu mu,Benjamín, eimi mu amulei engün, rangi tami pu huentru mu.
Makir ñi cüpanche mu, nagpaingün pu loncolechi soltau,fei Zabulón ñi troquiñche mu nagpaingün pu yenielu retrü ñi trahulafiel pu soltau.*
15 Isacar ñi pu principe müleingün Débora engün.
Chumngechi ñi mülefel Isacar, ca mülefui ta Barac.
Huercüngei ñi namuntu amual laf mapu mu.
Rubén tañi troquiñche epu rume raquiduamquefui.
16 ¿Chumngelu* anücünuhuimi rangi epu fanetulechi carpa mu?
¿Chemu allcümequeimi pu camañfe dungulquefilu flauta tati pu quechan?
Rubén tañi troquiñche epu rume raquiduamquefui.
17 Galaad mülenagi nometu Jordán leufü püle.
¿Chumngelu* Dan mülenagi inafül farcu meu?
Aser chumlai rume, fei anücünuhui inaltu lafquen mu,cheu ñi acuquen farcu, nengümuulai rume.
18 Zabulón ñi troquiñche cuñihun mu tucui ñi mongen,* lafule rume.
Ca femngechi femi Neftalí mahuida meu.
19 Cüpaingün ñi hueichayal pu lonco ülmen.
Taanac huaria mu, inafül Meguidó ñi huitrunco pülehueichaingün Canaán ñi pu lonco ülmen.
Yelafingün ca hueulafingün chem plata no rume.
20 Pu huangülen huenu mu quehuaingün,cheu tañi miyauquen quehuafingün ta Sísara.
21 Cisón huitrunco huingüdyefi engün,tati cuifi huitrunco, Cisón pingechi huitrunco.
Iñche pünocaquefiñ pu nehuen-ngelu.
22 Fei hula pu cahuellu ñi huili cupaftucuquefi ti mapu,fei pu nehuen-ngechi cahuellu illculen huirafqueingün.*
23 ‘Malisiangepe Meroz mapu’ pi Chau Jehová ñi cüme püllü.
‘Felei, malisiangepe pu che mülelu fei mu.
Cüpalaingün ñi quelluafiel ta Chau Jehová,tañi pu nehuen-ngechi hueichafe quellulafingün ta Jehová’.
24 Pu domo meu, Jael doi saquingei,tüfa Héber ñi domo, tati quenita che.
Pu domo mülelu tolto ruca meu,* Jael doi saquingei.
25 Quisu eluen co pieyu, fei elufi lichi.
Quiñe fütra tazon cüme adngelu elufi yihuiñngechi cüme lichi.
26 Quiñe cuhu mu nüfi ti estaca traricünuquelu ti tolto ruca.
Tañi man cuhu mu nüi pu cüdaufe ñi martillo.
Tüfachi martillo mu hulelcafi ta Sísara, fei trirañmafi ñi lonco,trayaifi tañi lonco, feiti estaca catarumei.
27 Tañi namun püle cufudnagi,* trani, fei nengümhuelai.
Tañi namun püle cufudnagi ca trani.
Cheu ñi cufudnagün ta lai.
28 Ventana püle pengei quiñe domo.
Sísara tañi ñuque adquintumequei ventana mu:‘¿Chumngelu* alüñmai tañi carretela?*
¿Chumngelu allcülan ñi huirafcülen tañi pu cahuellu?’.
29 Tati doi quimque domo mülelu tañi ruca mu huiñoldungueyu,* ca quisu fentren rupa feipiuquefui:
30 ‘Hudamcaupelai engün tañi huehuel.
Quisuque pu hueichafe elungepelai quiñe ca epu üllcha domo.
Pañu fill color nielu elungei ta Sísara, pañu fill color nielu,quiñe tacun ñimicangelu, pañu fill color nielu, epu tacun ñimicangelutañi tucungeal ñi topel pu malocontuchequelu’.
31 ¡Ahuem Chau Jehová! Femngechi lape com tami pu caiñe,huelu tami pu piuqueyeteu huilüfcülepe antü reque”.
Fei 40 tripantu mu mülefui tüngün* tüfachi mapu meu.
Quimnieal
^ Cam: “Quehuafe”.
^ Pu che femngechi femlu eldungucünulelfi chi ta Jehová chem ñi chumal.
^ Cam: “Dungulafiñ musica”.
^ Cam: “Nüyüni”.
^ Cam: “Huitrunagi ti co”.
^ Ca feipiafui chi: “Nüyüi”.
^ Ca feipiafui chi: “Nüyüi”.
^ Cam: “Ñamnagingün”.
^ Cam: “Lanza”.
^ Cam: “Hufco, pozoco”.
^ Cam: “Nepenge”.
^ Ca feipiafui chi: “Pu che nielu fillque chemcün tañi huirintucual”.
^ Cam: “Chemu”.
^ Cam: “Chemu”.
^ Cam: “Illamcai tañi mongen”.
^ Cam: “Lladcülen”
^ Cam: “Carpa ruca”.
^ Cam: “Rulpaduami”.
^ Cam: “Chemu”.
^ Cam: “Carro”.
^ Cam: “Lloudungueyu”.
^ Cam: “Mülefui cüme felen”.
