Tüfa mu mülei quiñeque ramtun tripalu Ti Huerquen 2022 tripantu mu. ¿Petu loncontucuniefimi cai ti huiñoldungun?

Llellipuliyiñ, papeltuliyiñ ca trahuluuliyiñ, ¿chumngechi quelluaiñmu?

Cüme dulliaiñ taiñ chumal, doi cüme quimeltuchefengeaiñ, doi feyentuaiñ Jehová mu ca doi piuqueyerpuafiyiñ (w22.01, pagina 30 ca 31).

Maneluuliyiñ Jehová mu ca pu loncolelu mu, ¿chumngechi quelluaiñmu?

Mülei taiñ maneluhual Jehová mu itrocom dungu mu. Pürüm inayaiñ taiñ feipieteu pu loncolelu. Femliyiñ, ca inayaiñ taiñ feipingeel acule ti fütra cutrancahun (w22.02, pagina 4 puulu 6).

Ti cüme püllü nütramcafi ta Zacarías quiñe “plomada mülelu Zorobabel ñi cuhu mu”, ¿chem cüpa feipi ti cüme püllü? (Zac. 4:8-10).

Tañi peel Zacarías cüpa feipi nehue afmatufalngenole rume ti ngillatuhue ruca, deumangeai chumngechi Jehová ñi ayünieel (w22.03, pagina 16 puulu 17).

¿Chumngechi inayentufalngeaiñ taiñ feipin mu? (1 Tim. 4:12).

Amuldungun mu, piuqueyenquechi ca yamquechi dunguafiyiñ ti che. Ülcantuaiñ com taiñ piuque mu ca rumel huiñoldunguaiñ trahun mu. Rüf dungu dunguaiñ, yafültucucheaiñ ca famentuafiyiñ huesaque pihun (w22.04, pagina 6 puulu 9).

Tati meli fütraque huapo culliñ ñi nütramcael Daniel 7 trürümngei ti huapo huesa culliñ ñi feipiel Apocalipsis 13:1, 2, ¿chumngelu?

Ti huapo huesa culliñ ñi feipiel Apocalipsis 13 adentulelai quiñe gobierno müten. Doi mai, adentulei com pu gobierno ngüneniefilu ti mapu (w22.05, pagina 9).

¿Chumngechi pengelqueiñ taiñ maneluucülen Jehová ñi femquen nor dungu?

Quiñe che huesa duameleliyiñmu ca huesa culpale iñchiñ mu, illculelayaiñ, maneluhuaiñ Jehová ñi norümtual ti dungu. Quisu apümcayafi com taiñ huesalcaqueteu ti culpan ñi duam mu (w22.06, pagina 10 ca 11).

Quiñe peñi llellipule trahun mu, ¿chem mülei ñi loncontucual?

Quiñe peñi petu tañi ngillatun trahun mu, ngelai tañi quimeltucheal cam norümtucheal. Doi mai ella conlu ti trahun mülei ñi müte alüñmanoal tañi llellipun mu (Mat. 6:7) (w22.07, pagina 24 ca 25).

Pu “femlu huesaque dungu” huiñomongetuai ñi juiciantucungeal, ¿chem cüpa feipi tüfa? (Juan 5:29).

Huesa juzgangelayai ca condenangelayai tañi femquefel mu cuifi. Huiñomongetule pu norngenochi che, Jesús lelinieaeyu engün chem dungu ñi femmequen (w22.09, pagina 18).

Ti fütra trahun septiembre 1922 tripantu mu, ¿chem falin dungu feipi ti peñi Rutherford?

Ti fütra trahun Cedar Point mu ti peñi feipi: “Ti Lonco Ülmen deu ngüneniei, eimün ta mülei tamün feipiafiel tati pu che. Feimu llemai ¡quimelfimün, quimelfimün, quimelfimün tati pu che ti Lonco Ülmen mu ca tañi Gobierno!” (w22.10, pagina 3 puulu 5).

Ñi feipin Isaías capitulo 30, ¿chumngechi quelluqueiñmu Jehová taiñ aguantayal?

1) Jehová cüme allcütuqueiñmu llellipufiliyiñ, 2) cüme quimeltuqueiñmu, ca 3) cümelcaqueiñmu fachantü ca cüpalechi antü meu (w22.11, pagina 9).

Ñi feipin Salmo 37:10, 11, 29, ¿chumngelu feipiafuiñ ñi huechutripan cuifi mu ca ñi huechutripayal cüpalechi antü mu?

Ñi feipin ta David pengeli ñi cümelcalequefel ti pu che ca ti mapu Salomón ñi ngünenieel mu. Jesús nütramcalu ñi ayüfalngetual ta mapu, nütramcai ti versiculo 11 (Mat. 5:5; Luc. 23:43) (w22.12, pagina 8 puulu 10 ca 14).