Quiñe lamngen Nueva Zelanda mapu tuulu pei quiñe video jw.org mu. Tüfa nütramcai ta Jehová cutranpiuqueyechequei, huelu ca eluucülei ñi quelluafiel (Is. 63:7-9). Fei ti lamngen pefilu ti video, eluhui ñi müchai müten quelluafiel quiñe che. Feichi antü müten tripai ñi ngillacayal, pefi quiñe domo mülenagcülelu calle meu, fei feipifi: “¿Ngillayafeyu iyael?”. “Mai” pi ti domo. Taiñ lamngen amui ñi ngillameal. Huiñotulu, amuldungulelfi ca pengelelfi ti tratado ¿Afpeai mai taiñ cutrancaucülen?

Fei ti domo eluhui ñi ngümayal. Feipifi taiñ lamngen: “Tañi pu familia testigongerquei, huelu quisu famtriparpun”. Ti domo llellipumequefui ta Jehová ñi huiñotual. Fei ti lamngen elelfi quiñe Biblia ca eluhuingu ñi estudiayal. a

Iñchiñ cutranpiuqueyeafiyiñ com pu che, chumngechi femquei Chau Jehová. Cutranpiuqueyeafiyiñ taiñ pu che, pu peñi ca pu lamngen trahunche mu. Taiñ cutranpiuqueyecheal, ca eluucüleaiñ taiñ amuldungucheal.