Tüfa mu mülei quiñeque ramtun tripalu Ti Huerquen 2023 tripantu mu. ¿Petu loncontucuniefimi cai ti huiñoldungun?

¿Chumngechi ‘huecünutuafuiñ taiñ raquiduam’? (Rom. 12:2).

Ngelai taiñ femal quiñeque cümeque dungu müten, mülei taiñ ngüneduamuhual taiñ piuque ca cüme elcünutual taiñ raquiduam, femngechi taiñ inayafiel Jehová tañi huercün dungu (w23.01, pagina 8 ca 9).

Ngüneduamliyiñ ñi rupamequen mapu mu, ¿chumaiñ?

Cümefui taiñ quimal chem tañi rupamequen com mapu mu ca tati profecia ñi femtripamequen. Huelu feipiyauliyiñ quisu taiñ raquiduam, quiñeucülehuelayai taiñ trahunche. Doi mai ngüneduamafiyiñ ñi feipiqueel Jehová tañi troquiñche. Tüfa ta nütramcayafiyiñ taiñ pu peñi ca pu lamngen (1 Cor. 1:10) (w23.02, pagina 16).

Jesús ca tañi pu inanieteu ñi fautizahun, ¿chem mu trürlai?

Jesús choyüngei Israel mu. Israel troquiñche deu chalintucuucülefui Jehová mu, feimu Jesús ngelafui ñi chalintucuhual, iñchiñ reque. Cafei Jesús nienon mu culpan, ngelafui ñi repentiuhual (w23.03, pagina 5).

¿Chumafuiñ caquelu peñi ca lamngen ñi doi huiñoldungual?

Fentre amul-layaiñ taiñ huiñoldungun, femngechi caquelu peñi ca lamngen ca huiñoldunguafui trahun mu. Com feipilayaiñ ñi mülen ti parrafo mu. Femngechi caquelu peñi, lamngen ca huiñoldunguafui (w23.04, pagina 23).

¿Chem quimürpuiñ ti “Lifngechi Rüpü” mu nütramcalu Isaías 35:8?

Cuifi mu, pu judio miyahuingün reque “ti Lifngechi Rüpü” mu ñi huiñotual Babilonia mu. Famulque mu, Chau Jehová ñi pu che miyahuingün reque ti “Lifngechi Rüpü” mu. Tüfachi rüpü pepicangei fentren tripantu petu ñi acunon 1919. ¿Chem cüdau am femngei ñi pepicayafiel? Quiñeque tüfa: rulpadungungequei ti Biblia ca copiangequei ti maquina mu. Ñi miyahun feitachi rüpü mu, quelluqueiñmu tañi serfinieafiel ta Jehová fachantü ca cüpalechi antü mu ngünenietule Jehová (w23.05, pagina 15 puulu 19).

¿Chem epu domo mu nütramcai Proverbios capitulo 9?

Proverbios nütramcai quiñe “domo cüme raquiduamquenolu”, ca feipi tañi pu mangelel yengei “Rüngan mu”. Proverbios nütramcai ca quiñe domo mu adentulelu “ti rüfngechi quimün”. Tañi pu mangelel amulei ti “quimün ñi rüpü”, fei rumel mongeleaingün cüpalechi antü (Prov. 9:1, 6, 13, 18) (w23.06, pagina 22 puulu 24).

Ñi feipieteu Lot, ¿chumngechi Jehová pengeli ñi ñom piuquengen ca ñi ngünefalchengen?

Jehová feipifi Lot tañi lefmahual huincul püle. Huelu Lot feipifi Jehová ¿lefmahuafun Zoár mapu mu? pifi. Jehová cüme allcütufi tañi feipieteu Lot, amunge müten pifi (w23.07, pagina 21).

Adquintule pornografia tañi füta, ¿chumafui ti domo?

Culpatuuquilnge. Doi cümei tami raquiduamal tami hueniyeniefiel Jehová. Papeltufilmi ca raquiduamülmi chem ñi feipin Biblia, quelluaimu. Biblia mu peaimi quiñeque domo ñi rupan cüdaungechi dungu mu, huelu ñi llellipuquefiel mu Jehová fei tüngduamcületuingün. Eimi quelluafuimi tami füta ñi conhuenoal podngechi dungu mu (w23.08, pagina 14 puulu 17).

Ramtungeliyiñ taiñ feyentun mu, ¿chem quelluaiñmu taiñ ñom piuque mu huiñoldunguafiel ti che?

Ramtungeliyiñ taiñ feyentun mu, raquiduamaiñ chumngelu taiñ ramtueteu ti che ca chem tañi raquiduamelnieteu. Femngechi raquiduamliyiñ, ñom piuque mu huiñoldunguafiyiñ ti che (w23.09, pagina 17).

¿Chumi María tañi nehuentuleal? ¿Chem quimeltueiñmu tüfa?

María feipingelu ñi choyüafiel ti Mesías, ¿chumi tañi nehuentuleal? Eluhui ñi quellungeal. Gabriel ca Elisabet yafültucueyu Biblia mu. Chumngechi ñi rupan María, iñchiñ ca yafültucuafeiñmu taiñ pu peñi, pu lamngen (w23.10, pagina 15).

Jehová, ¿chumngechi huiñoldunguñmaqueiñmu taiñ llellipun?

Jehová feipieiñmu taiñ allcütuñmayaeteu taiñ llellipun ca raquiduamtucuniei chumngechi ñi nüucülen quisu tañi ayünieel (Jer. 29:12). Trürcüleafui quiñeque llellipun, huelu caquerumeafui chumngechi ñi huiñoldungufiel Jehová. Jehová rumel quelluqueiñmu (w23.11, pagina 21 ca 22).

Romanos 5:2 nütramcai taiñ maneluhun mu, ¿chumngelu ca quiñe rupa nütramcangei ti versiculo 4 mu?

Quiñe che hue allcütulu ti cümeque dungu, maneluhui ñi rumel müleal mapu meu. Huelu rupale huesaque dungu mu, nehuencülele ca quimle Jehová tañi ayüucülen quisu mu, fei doi maneluucüleai (w23.12, pagina 12 ca 13).