Tüfa mu mülei quiñeque ramtun tripalu Ti Huerquen 2024 tripantu mu. ¿Petu loncontucuniefimi cai ti huiñoldungun?

Chau Jehová, ¿chumngechi troquiniequefi pu domo?

Chau Jehová cüme troquiniequefi pu domo ca doyümquelafi pu huentru. Allcütuquefi ca falintuquefi ñi chum duamcülen ca tati huesaque dungu ñi rupan. Jehová ca maneluuquei pu lamngen mu ca elfalcünulelfi falinque cüdau (w24.01, pagina 15 ca 16).

Efesios 5:7 feipi: “Inaconlayaimün tañi femün engün”, ¿chumngechi femlayafuiñ?

Ti apostol Pablo ngüfetueiñmu quiñeunoal pu che engün taiñ quelluquenoeteu ñi inayal Jehová ñi feipin. Feimu famentuafiyiñ tati huesaque compañ, huelu ca femngechi cuñiutucuhuaiñ inei engün taiñ dunguquen redes sociales mu (w24.03, pagina 22 ca 23).

¿Chem coilaque nütram famentuafiyiñ?

Quiñe peñi mandalelafeiñmu quiñe nütram taiñ yafültucuaeteu, huelu ngüneduamlafui ñi rüfngen. Ca quimnoelchi che huercülelafeiñmu coila nütram correo mu. Quiñe che ayün nütramcayal Biblia mu piafui, huelu quiñe apostata ürque. Com tüfachi dungu mu cuñiutucuhuaiñ (w24.04, pagina 12).

Salomón, pu Sodoma ca Gomorra che ca pu lalu ti Fütra Mangin Co mu, ¿chumngechi juzgayayu Jehová?

Quimlaiñ Jehová ñi huiñomongeltuafiel feichi pu che cam ñi femnoal, huelu Jehová müten com quimniei ca cutranpiuqueyechequei (w24.05, pagina 3 ca 4).

Chau Jehová taiñ fütra cura reque felei, ¿chem quimeltueiñmu tüfa? (Deut. 32:4).

Chau Jehová quiñe ellcaupeyüm reque felei. Fei manelfali, femtripaquei ñi feipicünun. Chau Jehová ñi chumngen ca tañi ayüqueel turpu caletuquelai (w24.06, pagina 26 puulu 28).

¿Chumngechi huimtuafuimi hue trahunche mu?

Maneluhuaimi Jehová mu, fei quelluaimu chumngechi ñi quellufiel tañi pu che cuifi mu. Trürümcantulayafimi tami hue trahunche tami cuifi trahunche mu. Coneltuaimi tami trahunche mu, ca yafüluhuaimi tami nieal hueque hueni (w24.07, pagina 26 puulu 28).

Ñi feipiel Jesús Mateo capitulo 25, ¿chem quimeltueiñmu?

Ti pengelün dungu pu ufisa ca pu capüra quimeltueiñmu taiñ püntütripanoal Jehová mu. Ti pengelün dungu ti mari üllchaque domo, quimeltueiñmu taiñ pepicaucüleal ca taiñ llihuatuleal. Ti pengelün dungu pu talento quimeltueiñmu taiñ cüdaufengeal (w24.09, pagina 20 puulu 24).

¿Tunte alüpürai chi pieza mülelu ti templo ñi deumael ta Salomón?

Ñi feipin 2 Crónicas 3:4, quiñeque cuifi huirintucun feipi “120” codos tüfachi versiculo mu, tüfa cüpa feipilei ñi alüpüralen 53 metro. Huelu caquelu huirintucun manelfalngelu feipi “20 codos” alüpürai, tüfa ta 9 metro. Tüfa felepelai ñi fente rupan ti pared (w24.10, pagina 31).

Biblia feipilu pu siervo ministerial ‘niepe quiñe domo müten’, ¿chem cüpa feipi? (1 Tim. 3:12).

Ti siervo ministerial cümei ñi müleal tañi afcadi engu müten, ca ngelai tañi conal pod cudumuhun mu. Ca ngelai tañi daquelcantuafiel caquelu domo (w24.11, pagina 19).

Juan 6:53 feipilai chumngechi ñi acordangeal ñi lan ta Jesús, ¿chemu quimiyiñ?

Juan 6:53 Jesús feipi ñi duamfalngen ingeal tañi cuerpo ca pütocongeal tañi mollfüñ. Tüfa feipi Galilea mu 32 tripantu. Üyeu trahulefui alün pu judio petu feyentunolu fei meu. Huelu rupalu quiñe tripantu hula, Jerusalén mu Jesús feipicünui ñi acordangeal tañi lan. Tüfa feipifi tati quelluntucualu tañi ngünenieal huenu mu (w24.12, pagina 10 ca 11).