1, 2. 1) ¿Chumül doi acordaquefiyiñ quiñe taiñ piuqueyenieelchi che lalu? 2) Feichi pun petu ñi lanon ta Jesús, ¿chem feipifi tañi pu discipulo ñi femal engün?

 LAN MU quiñe che taiñ piuqueyenieel, rupafule rume alün tripantu, acordaquefiyiñ. Doi acordaquefiyiñ acun mu feichi antü tañi lan mu.

² Fill tripantu huall Mapu mu, pütrünque che acordaquefi ñi lan quiñe taiñ piuqueyenieelchi che, fei ta Jesucristo. Iñchiñ ca femngechi femqueiñ (1 Ped. 1:8). Femqueiñ taiñ acordayal Jesús tañi lan com iñchiñ mu, femngechi taiñ perdonangeal taiñ culpan mu ca femngechi taiñ montulngeal lan dungu meu (Mat. 20:28). Jesús ayüfui tañi pu discipulo ñi acordayaeteu tañi lan. Feimu feichi pun petu ñi lanon ta Jesús, feipifi tañi pu discipulo: ‘Femqueaimün ta tüfa iñche tamün acordamuafiel’ (Luc. 22:19).

3. ¿Chem peafiyiñ feitachi chillcatun mu?

³ Millonque che trahuquei ñi acordayal Jesús tañi lan. Pichin che müten maneluucülefui ñi amual huenu mu, huelu epe com engün ñi müleal Mapu mu. Chem maneluhun niefuliyiñ rume, com iñchiñ ayüqueiñ taiñ trahuluhual taiñ acordayal Jesús tañi lan. ¿Chumngelu? Feitachi chillcatun mu peafiyiñ. Ca peaiñ chumngechi taiñ cümelcaqueteu amual tüfachi falin trahun mu. Hunelu  mu, peafiyiñ chumngelu tati dullinque cristiano amuquei feichi trahun mu.

4. ¿Chemu tati dullinque cristiano iquefi ti cofque ca putuquefi ti pulcu?

⁴ Pu dullinque cristiano trahuquei ñi acordayal Jesús tañi lan ñi iyafiel ti cofque ca putuafiel ti pulcu. ¿Chumngelu quisu engün iquefi ti cofque ca putuquefi ti pulcu? Acordayaiñ ñi femün ta Jesús feichi pun petu ñi lanon. Rupan celebrafilu tati Pascua, Jesús feipicünui ñi femngeal quiñe hue falin trahun, Cena del Señor pingelu. Feichi trahun mu, Jesús rulpalelfi tañi 11 apostol cofque ca pulcu. Ca feipifi tañi iyafiel ca ñi putuafiel. Ca nütramcafi tati hue pacto mu ca tati pacto del Reino pingelu (Luc. 22:19, 20, 28-30).⁠ * Feichi epu pacto ñi duam mu, tati 11 apostol ca caquelu cristiano reyngerpuafui ca sacerdotengerpuafui huenu mu (Apoc. 5:10; 14:1). Tati pu dullinque cristiano mülehuelu Mapu mu ca coneltulei feichi epu pacto mu. Feimu trahun mu engün ñi acordayal Jesús tañi lan, iquefingün ti cofque ca putuquefingün ti pulcu.

5. Pu dullinque cristiano quimniefulu rume ñi amual ta huenu mu, ¿chem quimniefuingün ñi femal engün?

⁵ Pu dullinque cristiano, ¿ca chemu trahuquei ñi acordayal Jesús tañi lan? Femngechi ñi raquiduamal tañi maneluhun tañi nieel engün. Fei engün maneluucülei ñi rumel mongeleal ta huenu mu ñi ngünenieal Jesús engün ca femngechi ñi pülleleal ca ñi peafiel ta Chau Jehová (1 Cor. 15:51-53; 1 Juan 3:2). Feitachi dullinque cristiano quimnieingün Jehová tañi elueteu feitachi maneluhun, huelu ca quimnieingün mülefui ñi püntütripanoal Jehová mu femngechi ñi amual ta huenu mu (2 Tim. 4:7, 8). Fei engün raquiduamün mu feitachi maneluhun, rume ayüucüleingün (Tito 2:13). Huelu, ¿tati caquelu ufisa cai? (Juan 10:16). ¿Chemu trahuqueingün ñi acordayafiel Jesús tañi lan? Peafiyiñ.

6. ¿Chemu tati caquelu ufisa fill tripantu trahuluuquei ñi acordayafiel Jesús tañi lan?

⁶ Tati caque ufisa ca trahuquei ñi acordayafiel Jesús tañi lan, huelu iquelafi ti cofque ca putuquelafi ti pulcu, huelu ayüucüleingün tañi mülepun mu engün. Cuifi mu, tati pu caquelu ufisa mangelngequelafuingün ñi acordayal Jesús tañi lan. Huelu 1938 tripantu mu, mangelngefuingün ñi amual tüfachi falin trahun mu. La Torre del Vigía pingechi chillca, abril 1938 tripantu mu, feipi: “Cümefui ñi mangelngeal tüfachi cristiano, femngechi ñi mülepual ca ñi allcütual”. Ti revista ca feipi: “Quisu engün ca ayüucüleafuingün tañi mülepual engün”. Mangelngen mu iñchiñ quiñe mafün mu, ayüucülequeiñ. Ca femngechi ti caquelu ufisa ayüucüleingün tañi mülepual engün, coneltunofule rume ñi iyafiel ti cofque ca putuafiel ti pulcu.

7. Trahun mu engün ñi acordayafiel Jesús tañi lan, ¿chumngelu ti caquelu ufisa ayüqueingün ñi allcütuafiel ti hueupin?

⁷ Ti caquelu ufisa, ¿ca chemu trahuquei  ñi acordayafiel Jesús ñi lan? Femngechi ñi raquiduamal feichi maneluhun ñi nieel engün. Quisu engün ayüqueingün ñi allcütuafiel ti hueupin. ¿Chumngelu? Feichi hueupin raquiduameleyu engün ñi chumal Jesús ca ti 144.000 dullinque cristiano. Ngüneniefile engün ti Mapu, cüme elcünutuafingün ca quelluafingün pu che ñi culpanchengehuenoal. Cafei ti allcütufilu ti hueupin, raquiduamcüleingün ñi femtripayal fillque profecia mülelu Biblia mu. Tüfa müna ayühun-ngelleai mai (Is. 35:5, 6; 65:21-23; Apoc. 21:3, 4). Ti caquelu ufisa raquiduamcülen mu engün ñi mülepual ti hue Mapu mu, doi maneluuqueingün ñi femtripayal Jehová tañi feipicünueteu. Cafei doi eluucülequeingün ñi serfinieafiel Jehová (Mat. 24:13; Gál. 6:9).

8. ¿Ca chem dungu mu trahuquei ti caquelu ufisa ñi acordayal Jesús ñi lan?

⁸ ¿Ca chemu ti caquelu ufisa trahuquei ñi acordayal Jesús ñi lan? Femngechi ñi quelluntucual ca ñi pengelelafiel tañi piuqueyeniefiel ti dullinque cristiano. Tati Biblia feipi ti caquelu ufisa ca ti dullinque cristiano ñi quiñeucüleal engün. Feula peafiyiñ quiñeque profecia.

9. Ñi feipin Zacarías 8:23, ¿chumquei ti caquelu ufisa?

⁹ (Papeltunge Zacarías 8:23). Tüfachi profecia mu, “quiñe judio” adentulei pu dullin cristiano (Rom. 2:28, 29). Tati “mari huentru fillque quehun dungu nielu” adentulei ti caquelu ufisa. Fei engün nünieñmafi reque ti judio ñi tacun. ¿Chem adentulei tüfa? Ti caquelu ufisa püntütripaquelai ti pu dullin cristiano mu ca quiñeucülen mu poyequefingün ta Jehová. Feimu, trahun mu pu caquelu ufisa ñi acordayafiel Jesús ñi lan, pengelingün ñi quiñeucülen pu dullin cristiano engün.

10. ¿Chumi Jehová ñi huechurpual ñi feipicünuel Ezequiel? (Ezequiel 37:15-19, 24, 25).

¹⁰ (Papeltunge Ezequiel 37:15-19, 24, 25). Tüfachi profecia nütramcai epu mamüll mu. “Judá tañi mamüll”, ¿chem adentulei? Cuifi mu Judá meu, dullingequefui pu rey. Feimu tüfachi mamüll adentulei pu dullin cristiano amualu huenu mu ñi ngünenieal. ¿“Efraín ñi mamüll” cai? ¿Chem adentulei? Ti pu mülealu Mapu mu.⁠ * Jehová trapümfi feichi epu mamüll ñi quiñecünutuafiel. ¿Chumngechi huechutriparpui ñi feipicünuel ta Jehová? Jehová trapümfi pu dullin cristiano ca ti caquelu ufisa ñi quiñentrür poyeaeteu engün. Fill tripantu trahuluuquei ti pu dullin cristiano ca ti caquelu ufisa ñi acordayafiel Jesús ñi lan, quiñe troquiñche reque (Juan 10:16).

11. Tati pu ufisa, ¿chumngechi quelluntucuquefi tati pu dullinque cristiano? (Mateo 25:31-36, 40).

¹¹ (Papeltunge Mateo 25:31-36, 40). Tati pu ufisa ñi nütramcael ta Jesús, ¿inei mu am ta adentulei? Tüfa com pu nor che mülelu famülque mu ca rumel mülealu Mapu mu. Tüfa ca caquelu ufisa pingequei. Fei engün quelluntucuquefi pu dullinque cristiano ñi amuldungucheal ca ñi quellucheal ñi discipulongerpual (Mat. 24:14; 28:19, 20).

12, 13. Pu caquelu ufisa, ¿ca chumngechi quelluntucuquefi pu dullinque cristiano?

¹² Pu caquelu ufisa, ¿chumngechi quelluntucuquefi pu dullinque cristiano?  Pichi faltalu ñi acordangeal Jesús ñi lan, com iñchiñ coneltuqueiñ ñi mangelafiel pu che ñi amual tüfachi falin trahun mu (inaduamnge ti huichulechi dungu “ ¿Pepicaumequeimi tami acordayal Jesús tañi lan?”). Cafei ngenofule rume quiñe dullin cristiano taiñ trahunche mu, com cüme pepicaquefiyiñ ñi femngeal tüfachi trahun. Iñchiñ quelluntucufiel mu pu dullinque cristiano, quelluquefiyiñ reque ta Jesús (Mat. 25:37-40). Feimu ayühunquechi quelluntucuqueiñ.

¹³ Chem maneluhun niefuliyiñ rume, taiñ amual huenu mu cam Mapu mu, com iñchiñ trahuqueiñ taiñ acordayafiel Jesús ñi lan. ¿Chumngelu? Peafiyiñ.

14. Jehová ca Jesús, ¿chumngechi pengeleleiñmeu taiñ piuqueyenieteu?

¹⁴ Mañumtuniefiyiñ ta Jehová ca Jesús taiñ piuqueyenieteu mu. Jehová pütrüquen dungu mu pengelelqueiñmu taiñ piuqueyenieteu. Huelu tati doi falilu, tañi huercüel tañi Fotüm Jesús ñi lapayal iñchiñ taiñ duam mu (Juan 3:16). Jesús ca femngechi pengeleleiñmu taiñ piuqueyenieteu tañi ayühunquechi hulün mu tañi mongen com iñchiñ mu (Juan 15:13). Iñchiñ turpu cullilayafuiñ Jehová ca Jesús tañi femün mu engu. Huelu femliyiñ Jehová tañi ayüqueel, mañumtuafuiñ (Col. 3:15). Ca amuliyiñ taiñ acordayafiel Jesús tañi lan, mañumtuafiyiñ taiñ piuqueyenieteu ca pengelelafiyiñ taiñ piuqueyeniefiel.

15. Pu dullinque cristiano ca ti caquelu ufisa, ¿chemu mañumcülequei Jesús tañi montuleteu?

¹⁵ Mañumtuniefiyiñ Jesús taiñ montuleteu mu (Mat. 20:28). Jesús tañi lapan mu, pu dullinque cristiano lifngeingün Jehová ñi adquiñ mu, ca fotüm reque troquieyu Jehová. Feimu rume mañumtuquefingün Jesús ñi lapan (Rom. 5:1; 8:15-17, 23). ¿Ti pu caque ufisa cai? Ca femngechi Jesús tañi lapan mu hueniyeafuingün Jehová, poyeafuingün ca montuafuingün ti “fütra cutrancahun” mu (Apoc. 7:13-15). Feimu rume falintuquefingün Jesús tañi lapan. Pu dullinque cristiano ca ti caquelu ufisa trahuluulu engün ñi acordayafiel Jesús tañi lan, mañumtuquefingün tañi montuleteu.

16. ¿Ca chem dungu mu trahuluuqueiñ taiñ acordayal Jesús tañi lan?

¹⁶ Ayüqueiñ taiñ feyentuafiel ta Jesús. Chem maneluhun niefuliyiñ rume, com inaquefiyiñ ti huercün dungu tañi feipiel ta Jesús feichi pun petu tañi lanon. Quisu feipi: ‘Femngechi femqueaimün tüfa iñche tamün acordamuafiel’ (1 Cor. 11:23, 24).

17. Amun mu ti trahun ñi acordangeal Jesús tañi lan, ¿chemu doi fülconqueiñ Jehová mu?

¹⁷ Femngechi doi fülconqueiñ Jehová mu (Sant. 4:8). Taiñ pefiel mu, trahun mu taiñ acordayafiel Jesús tañi lan raquiduamelqueiñmu taiñ maneluhun dungu taiñ elueteu ta Jehová. Ca raquiduamelqueiñmu fente taiñ piuqueyenieteu (Jer. 29:11; 1 Juan 4:8-10). Rüf maneluucüleiñ Jehová ñi femtripayal tañi feipicünuel, ca chumcaunorume afquelai taiñ piuqueyenieteu. Raquiduamün mu tüfachi dungu mu, doi piuqueyequefiyiñ ta Jehová ca doi quiñeucülequeiñ quisu mu (Rom. 8:38, 39).

18. Raquiduamal Jesús ñi rupan mu, ¿chem nengümelqueiñmu taiñ femal?

 ¹⁸ Femngechi doi cüme inayentuafiyiñ Jesús ñi femün (1 Ped. 2:21). Quiñe semana faltalu taiñ trahuluhual, fill antü Biblia mu papeltuquefiyiñ chem ñi rupan ta Jesús petu ñi lanon, tañi lan mu ca tañi huiñomongetun. Fei hula, trahun mu iñchiñ taiñ acordayal Jesús ñi lan, ti hueupin acordalqueiñmu chumte taiñ piuqueyenieteu Jesús (Efes. 5:2; 1 Juan 3:16). Papeltufiel mu com tañi femqueel Jesús iñchiñ mu ca raquiduamliyiñ feichi dungu mu, femngechi inayentuafuiñ ñi femün ta Jesús (1 Juan 2:6).

19. ¿Chumafuiñ taiñ cüme hueniyenieafiel ta Jehová?

¹⁹ Doi eluucülequeiñ taiñ hueniyenieafiel Jehová (Jud. 20, 21). ¿Chumngechi cüme hueniyenierpuafuiñ ta Jehová? Femliyiñ com taiñ feipieteu Jehová, yamniefiliyiñ tañi üi ca ayühulfiliyiñ ñi piuque, hueniyenierpuafiyiñ (Prov. 27:11; Mat. 6:9; 1 Juan 5:3). Trahuluhun mu taiñ acordayafiel Jesús ñi lan, doi eluucülequeiñ taiñ hueniyenieafiel Jehová.

20. ¿Chemu trahuluuqueiñ taiñ acordayafiel Jesús ñi lan?

²⁰ Chem maneluhun niefuliyiñ rume, taiñ amual huenu mu cam müleal Mapu mu, com iñchiñ falintuqueiñ taiñ trahuluhual taiñ acordayal Jesús ñi lan. Trahuluhun mu iñchiñ, acordaquefiyiñ ñi lan quiñe che taiñ rume piuqueyenieel, fei ta Jesucristo. Ca acordaqueiñ chumte taiñ piuqueyenieteu Jehová tañi hulün mu ñi Fotüm ñi lapayal com iñchiñ mu. Tüfachi tripantu mu, trahuluhuaiñ taiñ acordayafiel Jesús ñi lan feichi pun viernes 15 abril mu. Rume piuqueyefilu am ta Jehová ca Jesús, feimu chumaiñ rume taiñ amual feitachi falin trahun mu.