1. Quiñe che culpalu huelu rüf repentiulu, ¿chem feipicünueyu Jehová?

 CHAU JEHOVÁ iñchiñ taiñ deumaeteu, tati hulquelu ley ca quiñe juez ngei, huelu cafei iñchiñ taiñ cüme Chau (Sal. 100:3; Is. 33:22). Feimu culpaliyiñ fei ñi adquiñ mu huelu rüf repentiuliyiñ, Jehová ayüniei taiñ perdonayaeteu ca niei autoridad tañi femal (Sal. 86:5). Isaías mu, Jehová piuqueyenquechi feipieiñmu: “Tamün culpan huilüf quelülefule rume, ligcünungetuai tati pire reque” (Is. 1:18). Müna cüme duamelqueiñmu tüfa, ¿felelai am?

2. ¿Chem femafuiñ taiñ cüme yeucüleal caquelu che iñchiñ?

² Culpan chengelu am iñchiñ, taiñ feipin mu ca taiñ femün mu huesa duamelafuiñ ta caquelu (Sant. 3:2). Huelu tüfa feipilelai taiñ nienoafel cümeque hueni. Iñchiñ nieafuiñ cümeque hueni eluucüleliyiñ taiñ perdonacheal (Prov. 17:9; 19:11; Mat. 18:21, 22). Pichin dungu mu huesa duameleliyiñmu quiñe che, Jehová ayüniei taiñ perdonayafiel (Col. 3:13). Jehová fentren rupa mu perdonaqueiñmu. ¿Chumngelu cai iñchiñ perdonalayafuiñ ta caquelu? (Is. 55:7).

3. ¿Chem ngüneduamaiñ tüfachi troquiñ mu?

³ Tüfachi troquiñ mu peaiñ culpan chengeliyiñ rume, huelu iñchiñ inayentuafuiñ ta Jehová femngechi taiñ perdonacheal. ¿Chem culpan mülei taiñ feipilelafiel  tati pu loncolelu? ¿Chumngelu Jehová ayüniei taiñ hueluconque perdonahual? Ca peaiñ caquelu peñi ca lamngen rume cutrancaulu caquelu che ñi culpan mu. ¿Chem quimeltuafeiñmu ñi femün engün?

4. 1) ¿Chem mülei ñi femal quiñe peñi cam quiñe lamngen fütra culpalu? 2) ¿Chem mülei ñi femal pu loncolelu nütramcafile tati pu culpachi che?

⁴ Quimliyiñ quiñe peñi cam quiñe lamngen ñi fütra culpan, mülei taiñ feipiafiel pu loncolelu. 1 Corintios 6:9, 10 pengeli chem dungu mu fütra culpayafui quiñe che. Quiñe che femngechi culpale, rume huesalcaquei Jehová ñi adquiñ mu. Quiñe che fütra culpalu mülei ñi ngillatuafiel ta Chau Jehová tañi perdonayaeteu. Ca mülei ñi nütramcalelafiel tati pu loncolelu (Sal. 32:5; Sant. 5:14). Fei, ¿chem mülei ñi femal pu loncolelu? Jehová müten niei autoridad ñi perdonayafiel pu culpachi che, Jesús ñi lan mu femquei ta tüfa. * Huelu elfalcünufi pu loncolelu ñi ngüneduamal Biblia ñi feipin, femngechi ñi huemünentungeal cam ñi huemünentungenoal quiñe che fütra culpalu (1 Cor. 5:12). Ñi cüme dullial engün mülei ñi ramtuhual: Ti che, ¿ayüniefui ñi culpayal? ¿Ellcaniequefui ñi culpan? ¿Fentreñma mu tañi culpaquen? Doi mai, ¿pengeli tañi rüf repentiucülen? ¿Chem pengelquei ñi perdonaeteu ta Jehová? (Hech. 3:19).

5. Pu loncolelu huemünentufile quiñe che, ¿chumngechi cümelcangequei ti trahunche?

⁵ Fütra culpalu quiñe che, Jehová deu juzgafi huenu mu. Fei pu loncolelu nütramcafile tati fütra culpalu, mülei ñi juzgayafiel chumngechi ñi femün ta Jehová (Mat. 18:18). Femngechi femün mu pu loncolelu, cuñiutucuquefingün tati trahunche femngechi ñi mülenoal quiñe che fütra culpalu huelu rüf repentiunolu. Cafei ñi huesalcangenoal tati trahunche (1 Cor. 5:6, 7, 11-13; Tito 3:10, 11). Cafei tañi femel pu loncolelu quelluafui tati fütra culpalu ñi rüf repentiuhual fei ñi perdonayaeteu ta Jehová (Luc. 5:32). Pu loncolelu ngillatuquefingün ta Jehová ti rüf repentiulu mu, ca pediquefingün tañi huiño hueniyetuafiel ta Jehová (Sant. 5:15).

6. Quiñe huemünentungechi che, ¿perdonayafeyu Jehová?

⁶ Pu loncolelu trahuluule ti culpachi che engün, fei rüf repentiunole, huemünentungeai trahunche mu. Ti culpachi che feyentunofile tati ley ñi mülen ñi pais mu, pu loncolelu catrütulayafingün ñi castigayaeteu ti gobierno. Pu autoridadcülelu Jehová elueyu pepiluhun ñi juzgayafiel ca ñi castigayafiel chem che rume inaquenolu ti ley. Feiti che castigangeai repentiucülele cam repentiucülenole rume (Rom. 13:4). Huelu ti che quimtucule tañi huesa femün, cüme elcünutule tañi raquiduam ca tañi femquen, Jehová perdonayaeyu (Luc. 15:17-24). Ti che conlu rume fütraque culpan mu, Jehová ca perdonayafeyu (2 Crón. 33:9, 12, 13; 1 Tim. 1:15).

7. Quiñe che fütra culpale fei huesalcaeliyiñmu, ¿chem eluhuafuiñ taiñ femal?

⁷ Quiñe peñi cam quiñe lamngen fütra culpayafui fei huesalcayafeiñmu. Huelu ti che perdonaen piafeiñmu cam  feipilayafeiñmu. Chem rupale rume, iñchiñ eluhuafuiñ taiñ perdonayafiel ca taiñ lladcütuniehuenoafiel. Mai, cüdautuafuiñ taiñ femal tüfa, doi mai rume huesalcangeliyiñ. La Atalaya 15 conchi septiembre cüyen, 1994 tripantu feipi: “Perdonafiel mu iñchiñ quiñe che ñi fütra culpan mu, tüfa pengelquelai ñi chem rupanon rume. Huelu mai, iñchiñ pu cristianongen perdonafiel mu quiñe che, maneluuqueiñ Jehová mu tañi juzgayaeteu. Jehová ti doi cüme juez, fei norümtuafi ti dungu puuchi antü meu. Iñchiñ feipilayafuiñ Jehová ñi perdonayafiel cam ñi perdonanoafiel ti culpachi che, Jehová müten quimi”. Huelu Jehová, ¿chumngelu ayüquei taiñ perdonacheal ca taiñ maneluhual quisu müten tañi nor juzgacheal?

8. ¿Chumngechi pengelqueiñ taiñ mañumquefiel Jehová ñi cutranpiuqueyechequen?

⁸ Perdonafiel mu quiñe che, pengelqueiñ ñi mañumquefiel Jehová ñi cutranpiuqueyechequen. Quiñe nütram mu, Jesús trürümfi ta Jehová quiñe lonco ülmen mu. Quiñe cüdaufe fentren plata defeniefui tati lonco ülmen, huelu pepi cullilai. Feimu ti lonco ülmen cutranpiuqueyefi ti cüdaufe, fei rulpacünulelfi tañi defen. Huelu feitachi cüdaufe cutranpiuqueyelafi ca cüdaufe ñi defenieteu doi pichin plata (Mat. 18:23-35). ¿Chem quimeltueiñmu Jesús? Iñchiñ mañumcüleliyiñ Jehová taiñ cutranpiuqueyequeteu, eluucüleaiñ taiñ perdonayafiel ta caquelu (Sal. 103:9). Cuifi mu, La Atalaya feipi: “Iñchiñ fentren rupa perdonayafuiñ ta caquelu che, huelu turpu ancapuulayafuiñ Jehová ñi femqueel. Quisu doi fentren rupa perdonaqueiñmu Jesús ñi mollfüñ mu”.

9. Jehová, ¿inei cutranpiuqueyequefi? (Mateo 6:14, 15).

⁹ Perdonacheliyiñ, Jehová perdonayaiñmu. Jehová cutranpiuqueyefi tati pu cutranpiuqueyechequelu (Mat. 5:7; Sant. 2:13). Jesús quimeltulelfi tañi pu discipulo feitachi dungu (papeltunge Mateo 6:14, 15). Cuifi mu, Jehová ñi feipifiel ta Job ca quimeltueiñmu Jehová ñi cümelcaquefiel pu cutranpiuqueyechequelu. Job rume huesa duami tañi feipieteu mu Elifaz, Bildad ca Zofar. Jehová feipifi ta Job ñi ngillatual fei engün mu. Femlu Job, Jehová cümelcafi (Job 42:8-10).

10. ¿Chumngelu cümelai taiñ illculeal? (Efesios 4:31, 32).

¹⁰ Illculeliyiñ, quisutu huesalcauqueiñ. Illculeliyiñ, yenieafuiñ quiñe fanechi mochila reque, huelu Jehová ayüniei taiñ nentuafiel femngechi taiñ tüngduamcüleal (papeltunge Efesios 4:31, 32). Jehová feipieiñmu: “Famentunge ti nüngayühun, ca elcünunge ti illcun” (Sal. 37:8). Inayal tüfachi dungu quelluaiñmu. ¿Chumngelu? Illcutuniefiliyiñ quiñe che taiñ huesa femeteu, cutranafui taiñ cuerpo ca taiñ raquiduam (Prov. 14:30). Illculeliyiñ, pütocoafuiñ veneno reque. Quisutu huesalcauqueiñ müten. Feimu, perdonafiliyiñ ta caquelu, quisutu cümelcauqueiñ (Prov. 11:17). ¿Chumngechi quelluaiñmu? Tüngduamcüleaiñ ca serfinieafiyiñ ta Jehová.

11. ¿Inei mülei ñi huiñoleltuafiel ñi huesa femün taiñ huesa femeteu? (Romanos 12:19-21).

¹¹ Jehová müten huiñoleltuafi tunte ñi huesa femün tati fütra culpalu. Chau  Jehová feipiquelaeiñmu taiñ huiñoleltuafiel huesa femün taiñ huesa femeteu (papeltunge Romanos 12:19-21). Iñchiñ culpan chengeiñ ca quimquelaiñ com ñi rupan, feimu juzgaquelaiñ Chau Jehová reque (Heb. 4:13). Cafei, quiñeque mu huesa duamcülen mu iñchiñ, taiñ piuque ngünencaqueiñmu feimu cüme juzgachelayafuiñ. Santiago huirintucui tati illcufe inaquelai Chau Dios ñi norngechi dungu (Sant. 1:20). Feimu, iñchiñ maneluhuaiñ Jehová ñi nor dungu femal.

12. ¿Chumngechi pengelqueiñ taiñ maneluucülen Jehová ñi femquen nor dungu?

¹² Perdonacheliyiñ, pengelqueiñ taiñ maneluucülen Jehová ñi femquen nor dungu. Quiñe che fütra culpale ca huesalcaeliyiñmu, maneluhuaiñ Jehová mu ñi cüme elcünutual com taiñ cutrancaqueteu feichi culpan mu. Cüpalechi antü mu, tati hue mapu mu, taiñ “cuifique rupan dungu ngoimacünungeai, ca piuquentucungelayai rume” (Is. 65:17). Huelu quiñe che rume huesalcaeliyiñmu, ¿rüfngepei mai taiñ elcünuafiel ti illcun? Mai, femafuiñ. Femngechi femingün quiñeque peñi ca lamngen. Peafiyiñ.

13, 14. ¿Chem quimeltueimu ñi rupan Tony engu José?

¹³ Fentren pu peñi ca pu lamngen eluhuingün ñi perdonayafiel quiñe che ñi rume huesa femeteu. ¿Chumngechi cümelcaeyu ñi femün engün?

¹⁴ Peaiñ ñi rupan Tony * mülelu Filipinas mapu mu. Petu ñi testigongenon Tony, lai quiñe tañi peñi, langümngei. Fei quimürpui chem che ñi langümfiel ñi peñi, José pingei ti huentru. Tony rume quehuatufengefui, feimu ayüfui tañi langümafiel ta José. José carceltucungei. Tripatulu carcel mu José, Tony feipi ñi quintuafiel ca ñi langümafiel, feimu ngillai quiñe tralca. Huelu rupachi antü mu, Tony eluhui ñi enseñalelngeal Biblia. Tony feipi: “Doi quimürpulu iñche Biblia ñi dungu, quimtucun  ñi cacünutual tañi chumngen ca ñi famentuafiel tañi illcun”. Tony fautizahui fei loncolerpui trahunche mu. Tony quimlu José ñi ca testigongerpun afmatulehuei. Quiñe antü, Tony engu José quimuhuingu, quiñe fütra panco mu chalihuingu. Fei Tony feipifi ta José tañi perdonafiel. Tony perdonafilu ta José rume ayüuduami. Tüfachi peñi eluhui ñi perdonacheal feimu Jehová cümelcaeyu.

15, 16. ¿Chem quimeltueimu ñi rupan Peter ca Sue?

¹⁵ Quiñe antü 1985 tripantu mu, Peter ca Sue trahuluuquefui Trahunhue Ruca mu. Fei trofrumei quiñe bomba ñi tucufiel quiñe huentru. Ñi rupan mu Sue nümünümütuhuelai, nehue pelohuelai ca nehue allcühuelai. * Tüfachi curehuen ramtuuquefui: “¿Chumngelu am ta fente huesalcai ti huentru?”. Fentren tripantu rupalu, feiti huentru presuntucungei ca feipingei ñi müleal carcel mu com ñi mongen mu. Peter ca Sue, ¿perdonapefingu mai tati huentru? Mai, femingu. Fei engu feipingu: “Jehová quimeltueiñmu illcutuniefiliyiñ quiñe che taiñ huesa femeteu, cutranafui taiñ cuerpo ca taiñ raquiduam. Ngillatun mu feipifiyu Jehová tayu quelluaeteu, femngechi ñi illcutunienoafiel ti huentru ca ñi tüngcüleal tayu raquiduam”.

¹⁶ ¿Cüdautupeingu mai ñi illcutuhuenoafiel ti huentru? Fei engu feipingu: “Quiñeque mu, Sue cutrancauquei tañi huesalcangen mu. Fei tüfa illculqueyumu quiñeque mu. Huelu fente raquiduamtucuquelayu tayu huesalcangen mu, feimu pürüm famentuquefiyu ti illcun. Rüfcünu mai, feitachi huentru poyerpufile ta Jehová quiñe antü, rume ayüucüleayu. Tayu rupan quimeltueyumu inafiliyiñ Jehová ñi feipin, quelluaiñmu taiñ tüngduamcüleal. Cafei,  pichiñma mu Jehová apümcayafi com tayu cutrancaqueteu, tüfa ayühulqueyumu”.

17. ¿Chem quimeltueimu ñi rupan María?

¹⁷ Peaiñ ñi rupan María. Quisu fütangerpui ca nierpui epu püñeñ. Rupachi antü mu, María testigongerpui huelu tañi füta testigongerpulai. María ñi füta ñihualpeyu, fei amutui ñi ruca mu. María feipi: “Amutulu tañi füta, rume huesa duamün, cutrancahun, müte maneluuhuelan pu che mu, culpatuquefun ca lladcülequefun”. María ñi füta engu hudahuingu, huelu María petu huesa duamcülefui tañi ñihualpeteu ñi füta. María feipi: “Fentren cüyen mu huesa duamcülequefun, lladcülequefun, feimu müte fülmaucülelafun Jehová mu ca tañi pu lamngen mu” pi María. Fachantü, María illcutuniehuelafi tañi füta em. Doi mai, ayüniei quiñe antü ñi poyerpuafiel ta Jehová. María raquiduamtucuhuelafi huesaque dungu ñi rupan ta cuifi, doi mai ti cümeque dungu ñi rupayal cüpalechi antü meu. María quisu tremümfi tañi epu püñeñ, huelu fachantü quisu, tañi epu püñeñ ca tañi familia engu ayühunquechi poyequefingün ta Jehová.

18. Jehová tati doi cüme Juez, fei ¿chumai?

¹⁸ Iñchiñ dullilayaiñ chumngechi ñi juzgangeal pu che, Chau Jehová müten tati doi cüme Juez femai tüfa. Tüngduamelqueiñmu tüfa (Rom. 14:10-12). Quisu turpu femquelai norngenochi dungu, feimu juzgayafi pu che nor dungu mu (Gén. 18:25; 1 Rey. 8:32).

19. Cüpalechi antü meu, ¿chumai Chau Jehová?

¹⁹ Chau Jehová cüme elcünutuafi com ti huesaque dungu ñi rupan ti culpan ñi duam mu. Rume üngümcüleiñ ñi acual feichi antü. Jehová ñi duam mu, com taiñ cutrancaqueteu ca taiñ fill raquiduamelnieteu ngehuetulayai (Sal. 72:12-14; Apoc. 21:3, 4). Piuquentucuhuelayafiyiñ rume. Petu ñi acunon feichi antü, inayentuafiyiñ ta Jehová ñi perdonachequen.