Biblia feipilai. Huelu peafiyiñ chem raquiduamingu chi José ca María.

María ca José mülequefuingu Nazaret huaria mu, Galilea mu mülelu. Üye mu quiñe cüme püllü feipifi ta María ñi niepüñeñal (Luc. 1:26-31; 2:4). Rupachi antü mu, José tañi familia engün amui Egipto mapu mu. Fei huiñomelu Egipto mapu mu, mülenagingün Nazaret huaria mu. Feimu Jesús Nazaret mu tremi, fei feipingequei Nazaret che (Mat. 2:19-23). Feimu nütramcan mu José, María ca Jesús, quimngequei ñi mülequefel Nazaret mu.

María niefui quiñe pariente Judea mapu mu, Elisabet pingelu. Elisabet tati sacerdote Zacarías tañi domo, ca Juan ti Fautizachefe tañi ñuque (Luc. 1:5, 9, 13, 36). María pemefi ta Elisabet, fei cüla cüyen mülemerquei Judea mapu mu (Luc. 1:39, 40, 56). ¿Feimu María quimniequepelafui Judea mapu?

Rupachi antü mu, José ca María tripaingu Nazaret huaria tañi amual Belén mu. Femngechi José ñi huirintucumeal ñi üi quisu tañi huaria mu. Cafei cuifi mu feipicünungei ñi choyüngeal ti Mesías Belén huaria mu (Luc. 2:3, 4; 1 Sam. 17:15; 20:6; Miq. 5:2). Üyeu María choyüfi ta Jesús. Nazaret alü camapulefui ca Jesús hue choyüngei, feimu pepi huiñofemtulaingün chi, mülenagingün Belén mu. Cafei Belén müte alü camapulelafui Jerusalén mu ¿ailla kilometro müten peno? Fei mu mülequefui Jehová ñi ruca, femngechi José ca María yeafuingu tati pichiche Jesús ca hulpuafuingu chalintucun, chumngechi ñi feipin Jehová ñi ley dungu (Lev. 12:2, 6-8; Luc. 2:22-24).

Chau Dios ñi cüme püllü feipicünufi ta María tañi püñeñ ñi lonco ülmen-ngeal “David reque”. Feimu José ca María raquiduamingu chi ñi falin-ngen Jesús ñi choyüngeal Belén mu David tañi huaria (Luc. 1:32, 33; 2:11, 17). ¿Feimu peno mülenagingu ta Belén mu ca esperaingu tañi chem pieteu ta Jehová?

Quimngelai tunten antü ñi mülequefel Belén mu engün. Huelu feichi ñi acun pu astrologo, quiñe ruca mu mülequefuingün ca Jesús deu pichi huentrungefui (Mat. 2:11). Feimu feipiafuiñ ñi mülenagün engün Belén mu, huiñotulaingün Nazaret mu.

Herodes “huercüi ñi langümngeal com pu pichique huentru petu nienolu epu tripantu, mülelu Belén huaria mu” (Mat. 2:16). Feimu Chau Dios ñi cüme püllü feipifi ta José ñi yeafiel María ca Jesús Egipto mapu mu. Deu lalu Herodes, huiñotulaingün Belén mu, ¿chumngelu am? Judea mapu mu loncolefui Herodes tañi fotüm, Arquelao pingelu, rume huesa huentrungefui. Ca José inafi ñi feipieteu Chau Dios, feimu amuingün Nazaret mu. Fei mu doi cümelcalefui ñi tremümngeal ta Jesús (Mat. 2:19-22; 13:55; Luc. 2:39, 52).

Lalu Jesús, quiñeque che elungei ñi huiñomongetual huenu mu. Huelu, ¿José lapelai petu ñi lanon Jesús? Feimu, ¿huiñomongetupelayai mapu mu? Fei fentren che quimaeyu, fei ramtuafeyu chumngelu mülenagingu Belén mu deu choyüngelu ta Jesús.