Femngechi raquiduamquelayaiñ. Pu 70 discipulo mülelafui Jesús engün elcünungelu ti Cena del Señor. Huelu ¿feipiafuiñ tañi quisucünufiel engün? Cam, ¿Jesús hueniyehuelayayu piafuiñ? Femlai. Feichi mu, Jesús cüpa mülefui tañi pu apostol engün müten.

Jesús cüme llouquefui tañi pu mari epu apostol ca tañi 70 discipulo. Com tañi pu discipulo mu Jesús dulli mari epu huentru, apostol üituculelfi engün (Luc. 6:12-16). Mülelu Galilea mu, “Jesús trahulfi tañi mari epu apostol” ca “huercüfi engün ñi amuldungual Chau Ngünechen ñi ngünenietual ta mapu, ca tañi tremoltuafiel pu cutrancülelu” (Luc. 9:1-6). Ca despue, Judea mu Jesús dulli “70 tañi pu inanieteu, fei epuque huercüfi engün” tañi amuldungual (Luc. 9:51; 10:1). Feimu fillque lof mu ñi amuldungungeel Chau Dios ñi dungu, mülequefui che inaquefilu Jesús.

Pu judio inanierpufilu Jesús amulequefui tañi celebrafiel ti Pascua, ¿quiñentrür tañi familia engün peno celebrapelafuingün? (Éx. 12:6-11, 17-20). Pichilehuelu ñi layal Jesús, tañi pu apostol engün amuingün Jerusalén mu. Huelu pu discipulo mülelu Judea, Galilea ca Berea mu Jesús feipilaeyu tañi amual Jerusalén mu ca ñi celebrayal ti Pascua. ¿Ayüniepelafui tañi quisuleal tañi pu apostol engün müten? Feimu Jesús feipifi tañi pu apostol: “Müna ayülefun taiñ quiñentrür iyal tüfachi Pascua mu petu ñi cutrancaunon iñche” (Luc. 22:15).

¿Chumngelu Jesús ayüfui tañi quisuleal tañi pu apostol engün müten? Raquiduamnge tüfa: pichiñma mu Jesús layalu quiñe “Cordero reque felelu Chau Dios ñi hulcünuel, fei ñi montulafiel com pu che ñi culpan mu” (Juan 1:29). Jerusalén mu langümngealu, feitachi huaria mu femngequefui chalintucun Jehová ngealu. Tüfachi Pascua acordaquefui pu Israel che Jehová ñi lifrenentueteu Egipto mu. Huelu Jesús ñi lan mu doi fütra dungu femngealu, ñi montulngeal com pu che culpan ca lan dungu mu (1 Cor. 5:7, 8). Jesús ñi lan mu pu mari epu apostol rume falin cüdau femaingün tañi deumangeal reque ti cristiano trahunche (Efes. 2:20-22). Ti yamfal huaria Jerusalén pingelu “mari epu cura mu anümtucülerquei tañi cura malal. Tüfachi cura mu huirintuculei ti mari epu üi ñi nieel tati Cordero ñi mari epu apostol” (Apoc. 21:10-14). Felei llemai, tati mari epu apostol rume falin cüdau mülefui ñi femal engün tañi femtripayal Jehová ñi ayüqueel. Feimu tati inan Pascua mu ca deu ñi elcünuel ti Cena del Señor, Jesús ayülefui tañi quisuleal tañi pu apostol engün müten.

Tati 70 discipulo ca caquelu che mülelafui Jesús engün Pascua mu. Huelu com engün püntütripanole Jesús mu, ca cümelcayafeyu tüfachi Cena. ¿Chumngelu am? Com engün dullingealu tañi ngünenieal huenu meu Chau Dios ñi Gobierno mu, Jesús femngechi feipifi tañi pu apostol feichi pun (Luc. 22:29, 30).