¡TAMI QUIMAFEL! Num. 2 2020 | ¿Chumngelu kutrankawkeiñ?
Kom iñchiñ ruparumeafuiñ wedake dungu mu, kutranrumeafuiñ, allfüafuiñ, kam wedalkayafeiñmu tati pu wedake che ka kiñe fütra weda dungu.
Fey epe kom che ayüniey ñi kimal chumngelu kutrankawkey.
Kiñeke che feyentukey tati pu püllü ñi adkünuel pu che tañi kutrankawün. Ka feypikey pu che kutrankawkülele, chumlayafuy rume.
Kakelu che rakiduamkey pu che kutrankawkey kom tañi weda femkefel tañi kuyfike mongen mu kam tañi femken famülke mu.
Eymi rupalmi fütra wedake dungu mu, rakiduamkülewekeymi chi tüfachi kechu ramtun mu.
Kiñeke religion tañi feyentukeel
Ngüneduamnge chem feypikey fillke religion ñi chumngelu kutrankawken pu che.
Ramtun 1: ¿Chaw Dios ñi pin mu may sufrikeiñ iñchiñ?
Fentren religion tañi koyla kimeltuel mew, welurakiduamelkefi tati pu che. Fey, ¿kimpeafuiñ may ti rüf dungu?
Ramtun 2: ¿Pu che ñi duam mu pemay müley kutrankawün?
Pu che ñi duam mu mülefule kutrankawün, tüfa engün kakerume dungu femafuy tañi fente kutrankawnoal.
Ramtun 3: Pu kümeke che kay, ¿chumngelu kutrankawkey?
Tati Biblia feypi chumngelu kutrankawkey pu kümeke che
Ramtun 4: Chaw Ngünechen may, ¿re taiñ kutrankawal müten elkünupeeiñmu?
Kom tañi elel Chaw Dios tüfachi Mapu mu rume tutelkaley, fey ¿chumngelu kay elkünuafeiñmu re taiñ kutrankawal müten?
Ramtun 5: ¿Afpeay may taiñ kutrankawün?
Biblia feypi chumngechi ñi apümkangeal ti kutrankawün.
Müley kümeke ngülam
Fentren wedake dungu rupamekeliyiñ rume, nieiñ fillke kellu taiñ chaftuafiel ti wedake dungu.
