Ramtun 5: ¿Afpeay may taiñ kutrankawün?
¿Chumngelu falin-ngey kimal tüfa?
Feyngele taiñ kutrankaw-wenoal, doy ayüwküleafuiñ ka doy maneluwafuiñ Chaw Dios mu.
Rakiduamnge tüfa
Fentren che kakerume dungu femkeyngün ñi ngewenoal kutrankawün, welu pepiluwkülelayngün tañi femal. ¿Chum tripamekey tañi femün?
Pu cientifico ka pu doctor doy kimlu rume tati lawentun dungu mu . . .
-
Fentren che lakey piwke kutran mu.
-
Fill tripantu fentren che kontukeeyew cancer kutran, feymu lakeyngün.
-
“Famülke mu fillke kutran kontupaeyew pu che, weke kutran ka kuyfike kutran” (ñi feypiel ti wentru David Bloom tati revista Frontiers in Immunology).
Kiñeke trokiñ mapu fentren plata niefulu rume . . .
-
Fill tripantu fentren millon pichikeche lakeyngün. Doyelchi may lakey pu pichikeche doy pofrelelu.
-
Fentren che nielayngün baño nüwkülelu alcantarillado kam fosa septica ngelu.
-
Wall Mapu mu fentren che nielayngün lif ko ñi pütokoal.
Tunte nütramkangeafuy rume chumngechi ñi trokitungeal pu che . . .
-
Fentren trokiñke mapu mew tati pu che fendengekey ñi küdawal. Pu gobierno chumkelay rume ñi fentekünual tüfachi weda dungu, ¿chumngelu? “Kimkelayngün chi ñi rupan feychi dungu, kam pepi katrütulafingün” (ñi feypiel tati trokiñche Naciones Unidas).
¿DOY KÜPA KIMFUYMI?
Taiñ sitio jw.org mu, peaymi ti video feypilelu ¿Chem am chi Chaw Ngünechen ñi Ngünenien?
¿Chem kimeltukey Biblia?
Chaw Dios duamtunieeiñmu.
Kidu kimniey taiñ kutrankawmeken, fey kutranpiwkeyeeiñmu. Ngüneduamnge ñi feypin Biblia.
“[Chaw Dios] famentukelafi ka illamkakelafi rume ñi kutrankawmeken tati wedalkangelu. Kafey furiñmakelafi rume. Feyti wedalkangelu wirari ñi kellungeal, fey Chaw Dios allkütueyew” (SALMOS 22:24).
“Elkünumün Ngünechen mew kom tamün fill rakiduamelnieetewchi dungu, kidu am ta piwkeyenieetew ta eymün” (1 PEDRO 5:7).
Fentepuway taiñ kutrankawün.
Tati Biblia feypi Chaw Ngünechen femtripayay tañi ayünieel kom pu che mu. Ngüneduamnge ñi feypin Biblia.
‘Ngünechen [...] liftuñmatuafi engün tañi külleñu, fey ngewelayay ta lan, ngüman no rume, eyütun no rume, kutrantun no rume’ (APOKALIPSI 21:3, 4).
Chaw Dios apümkayafi kom taiñ kutrankakeetew.
Kidu ngünenietule ti Mapu iney no rume kutrankaw-welayay. Ngüneduamnge ñi feypin Biblia.
“Ngünechen wenu mu mülelu elkünuay kiñe [gobierno], chumkawnorume apümkangelayay. Ka tüfachi [gobierno] elkünungelayay kake trokiñche mu. [...] Kidu müten chumkawnorume aflayay” (DANIEL 2:44).
