PU CUREHUEN-NGEALU
1. Eluucüleaimu tamu rumel müleal
¿CHEM AM CHI?
Pu curehuen raquiduamquelai ñi hudayal engu. Doi mai maneluucülei tañi rumel müleal engu chem rume rupafule, feimu cüme duamcüleingu.
Quiñeque curehuen hudaquelai ñi huesa duamelnoafiel müten tañi pu familia ca tañi pu hueni. Huelu doi cümeafui ñi trür müleal ñi piuqueyehun mu ca yamniehun mu.
BIBLIA ÑI NGÜLAM: “Ti füta ngelai ñi püntüafiel tañi domo” (1 Corintios 7:11).
Micah feipi: “Eluucüleliyiñ quiñentrür müleal taiñ afcadi iñchiñ, pürüm lladcüfemlayaiñ. Ca femngechi doi cüdautulayaimi tami perdonayal ca perdonaen tami pial. Fei raquiduamlayaimi tami hudayal chem dungu mu rume”.
¿CHUMNGELU FENTE FALIN-NGEI?
Pu curehuen eluucülenole ñi quiñeucüleal, chem dungu mu rupale hudahuafuingu.
Jean feipi: “Fentren che niehualu raquiduamquei ‘cüme amunole ñi curehuen-ngen, hudahuayu müten’. Pu femngechi raquiduamquelu rüf eluucülelai ñi rumel quiñeucüleal”.
¿CHEM CHUMAFUIMI?
NGÜNEDUAMUUNGE
Tami yafcahun mu tami afcadi mu, ¿chumqueimi?
-
“Tañi nienon afcadi doi cümeafui”, ¿feipiqueimi?
-
¿Raquiduamquefuimi chumletual tami mongen ca che mu mülefulmi?
-
¿Feipiquefuimi: “Elcünuayu, ca che quintuan”?
Femfule chuchi rume tüfachi ramtun, yafüluunge ñi doi quiñeucüleal tami curehuen-ngen.
QUIÑENTRÜR RAMTUHUAIMU
-
¿Rüf yafüluucüleyu tayu quiñeucüleal? Fente femhuenoliyu, ¿chumngelu am?
-
¿Chumafuyu ñi doi quiñeucüleal tayu curehuen-ngen?
QUIÑEQUE NGÜLAM
-
Huirintuculelafimi tami afcadi fente tami piuqueyeniefiel.
-
Tami cüdau mu elcünuaimi adentun pengelquelu tami afcadi.
-
Quiñentrür mülenolmi tami afcadi engu, fill antü mütrümafimi.
BIBLIA ÑI NGÜLAM: “Inei no rume ngelai ñi hudamentual Chau Ngünechen ñi trapümel” (Mateo 19:6).
