¿Quimpeafuiñ mai ta Ngünechen?
Fentren che feyentuquei Ngünechen mu. Huelu ramtungefule: “¿Chumngei ta Chau Dios?”, caquerume piafuingün. Quiñeque feipiquei: “Ngünechen re ayüquei ñi castigayafiel ta pu huesaque che”, piquei. Caquelu feipi: “Chem huesa dungu rume femliyiñ, Ngünechen piuqueyeaiñmu ca perdonayaiñmu”. Caquelu ca feipi: “Ngünechen duamyequelaeiñmu, alü camapulei iñchiñ mu”. Allcütun mu tüfa, fentren che “turpu quimlayafuiñ ta Ngünechen”, piquei.
¿Falin-ngepei mai quimngeal ta Chau Dios? Falin-ngei tati. Tüfa müna ayühulafeiñmu, ca quelluafeiñmu quimal chumngelu quisu eli ta che mapu meu (Hechos 17:26-28). Doi fülconcüleliyiñ Ngünechen mu, quisu doi piuqueyeaiñmu ca quelluaiñmu (Santiago 4:8). Cüme quimfiliyiñ ta Chau Ngünechen aflayafui taiñ mongen (Juan 17:3).
¿Chumngechi quimafuiñ ta Chau Dios? Raquiduamnge quiñe hueni tami cüme quimnieel. ¿Chumimi tami hueniyeafiel? Deu peulu eimu, ayüimi tami quimal quisu ñi üi, ñi chumngen, chem ñi ayüqueel ca ñi ayüquenoel, ñi chumün cuifi ca ñi cüpa femal. Femngechi eimi doi quimfimi feichi che, feimu doi hueniyefimi.
Ca femngechi, taiñ doi quimafiel ta Chau Ngünechen ramtuhuafuiñ:
Com ti troquiñ mülelu tüfachi chillca meu quelluaiñmu taiñ quimal chem pin Biblia tüfachi dungu mu. Feimu tüfachi chillca quelluaiñmu taiñ quimafiel ta Chau Ngünechen, ca chumngechi cümelcayafeiñmu taiñ hueniyefiel ta quisu.
