Tüfa mu wirintukuley kiñeke ramtun ngüneduamkelu chem ñi tripan Ti Werken 2019 tripantu mu. ¿Petu longkontukuniefimi kay ti wiñoldungun?

Chaw Ngünechen feypikünueiñmu: “Chumngechi rume weychangelmi, wewngelayaymi”. ¿Chem kimeltukeeiñmu tüfa? (Is. 54:⁠17).

Rüf maneluwafuiñ Jewba mu, kidu ingkañpeaeiñmu taiñ pu kayñe mu, kürüftuku mawün reke felelu (Is. 25:⁠4, 5). Taiñ pu kayñe turpu katrütulayafeiñmu taiñ nierpual afnoachi mongen (w19.01, pagina 6 ka 7).

Ngünechen ñi femfiel pu kanaanche ka pu israelche ñi famentuetew, ¿chumngechi pengeli Jewba tañi norngen?

Jewba castigafi kom pu femkefulu fillke ünufalngechi kudumuwün dungu ka kom pu wedalkakefilu pu domo ka pu pichikeche. Welu Jewba kümelkafi pu israelche ñi famentunoetew ka femlu norngechi dungu (w19.02, pagina 22 ka 23).

Kiñe che poyekenofilu ta Jewba ngillatule, ¿chem müley taiñ femal?

Dulliafuiñ ñüküfküleal ka yamnieafiel kakelu che. Welu “felepe may” pilayaiñ ka nüwkünulayaiñ kakelu che ñi kuwü mu. Dulliafuiñ kidutu ngillatual ñüküfkülen mu (w19.03, pagina 31).

Pu femkefilu podngechi dungu pu pichikeche, ¿chumngelu fente wedalkakey?

Feychi che femkefilu podngechi dungu pu pichikeche rume wedalkakefi tati pichi wentru kam tati pichi malen, tati trawünche, yamkelafi pu autoridad ka culpakey Chaw Ngünechen mew. Kiñeke trokiñ mapu niey ley dungu, tüfa feypiley pu che allküle ñi femngen podngechi dungu pu pichikeche müley ñi kimelelafiel tati pu autoridad. Fey pu longkolelu inakefi feychi ley (w19.05, pagina 9 ka 10).

¿Chumngechi nietuafuiñ we küme rakiduam?

Küla falin dungu müley taiñ femal: ngillatuafiel ta Jewba, küme ngüneduamuwal taiñ chumngen ka küme dullial taiñ pu weni (w19.06, pagina 11).

¿Chumngechi pepikawafuiñ fewla taiñ chaftuafiel ti kayñetun dungu?

Doy küme weniyeafiyiñ ta Jewba. Maneluwküleaiñ Jewba mu, kidu müna piwkeyenieeiñmu ka turpu kidukünulayaeiñmu. Fill antü papeltuaiñ ta Biblia. Rumel ngillatuleaiñ. Rüf feyentuleaiñ ñi femtripayal kom ñi feypikünuel Jewba. Longkontukunieaiñ taiñ doy ayükeelchi texto. Ka longkontukuaiñ ka ülkantuaiñ feyti ül mülelu taiñ ülkantun lifru ka jw.org mu (w19.07, pagina 2 puwlu 4).

¿Chumngechi kelluafuiñ taiñ pu che ñi montual?

Inaduamafiyiñ ñi chum duamkülen taiñ pu che, inayentufalngepe taiñ femken, ñochi duampiwkengeaiñ ka küme trokituafiyiñ taiñ pu che (w19.08, pagina 15 puwlu 17).

¿Chumngelu yafültukukeeiñmu femal ti küdaw taiñ elfalkünuetew Jesus? (Mat. 11:⁠28).

Pu longkolelu rume piwkeyenieeiñmu, nieiñ ti doy kümeke weni ka femkeiñ ti doy küme küdaw (w19.09, pagina 23).

Chaw Jewba eluafeiñmu taiñ küpa femal kidu ñi ayükeel ka eluafeiñmu newen taiñ femürpuafiel, ¿chumngechi? (Filip. 2:⁠13, TNM).

Papeltuliyiñ ta Biblia ka rakiduamliyiñ taiñ papeltukeel mu, Chaw Jewba eluafeiñmu taiñ küpa femal kidu ñi ayükeel ka eluafeiñmu newen taiñ femürpuafiel, femngechi newentukukeeiñmu. Jewba kimniey taiñ adümuwün, fey tañi newen mu kelluafeiñmu taiñ doy küme adümuwün-ngeal (w19.10, pagina 20 ka 21).

¿Chumngechi küme dulliafuiñ taiñ chumal?

Kechu dungu müley taiñ femal: kintuaiñ kümeke ngülam, “eluen kimün” piafiyiñ ta Jewba, kidutu ngüneduamuwaiñ, küme rakiduamaiñ chem ayünieiñ taiñ femal ka “kom küme tripayay” pilayaiñ (w19.11, pagina 27 puwlu 29).

Tati Weküfü, ¿rakiduamelpefi may ta Eva ñi mongelerpual kañpüle larpufule?

Femlafuy peno. Tati Weküfü feypilafi ta Eva: “Ifilmi ti fün tami inoafel, layay tami cuerpo müten”. Doy may, tati Weküfü feypifi ta Eva chumkawnorume ñi lanoal. Küpalu ti Fütra Mangin Ko, kom tati koylake feyentun ñamtuy. Rupalu chi antü, tati pu che rakiduamürpuy kañpüle ñi mongeleketun pu layelu. Tüfa rupay peno petu ñi püdümnofiel Jewba tati pu che dewmaniefilu ti fütra alüpürachi ruka Fafel mu (w19.12, pagina 15).