Femlay tati, tati Biblia ka ti libros de historia no rume pengelkelay ñi femngechi femün pu wünenke cristiano.

Fentren Biblia mu tüfachi versiculo küme rulpadungungelay. Feymu rakiduamelkefi ta che kiñeke wünenke cristiano ñi fautizawün pu layelu tañi duam mu. Por ejemplo, ti Biblia mapudungun mu feypi: “Fey ti pu layelu wiñomongetunoale, ¿chumngelu am kiñekentu wimtuley tañi fautizangeal ta che kidu engün mew?” (Ngünechen tañi Küme Dungu).

Peaiñ ñi feypin epu wentru adümuwlu Biblia ñi dungu mu. Kiñe tüfachi wentru Gregory Lockwood pingey. Feypi tati Biblia mu ka ti historia mu no rume kimngekelay ñi fautizawün che pu layelu tañi duam mu. Kangelu wentru Gordon Fee pingelu, feypi: “Kiñe rupa no rume nütramyengelay Biblia mu ka tati historia mu ñi fautizawün che pu layelu mu. Tati Nuevo Testamento mu nütramyengelay tüfachi dungu. Pu wünenke cristiano turpu fautizawlayngün pu layelu mu. Ka femngechi femngekelafuy pu iglesia mu mülerpulu dew ñi lan tati pu apostol. Chem no rume pengelkelay tañi femün engün”.

Jesus feypifi tañi pu inanieetew: “Kimeltuafimün femngechi tañi kimaetew engün ka iñche ñi discipulo ngeal engün. Fautizayafimün [...] ka kimeltuafimün tañi feyentual engün kom iñche tamün werküwkefiel ta eymün” (Mat. 28:⁠19, 20). Petu ñi fautizawnon che, wüne mülefuy tañi kimafiel ka feyentuafiel ta Jewba ka Jesus ka inayafiel tañi werkün dungu. Pu layelu femlayafuy, pu cristiano femlayafuy pu layelu mew (Ecl. 9:⁠5, 10; Juan 4:⁠1; 1 Kor. 1:⁠14-16).

¿Chem kimeltueiñmu ñi feypin ta Pablo?

Kiñeke korinto che feypingün ñi wiñomongetunoal pu layelu (1 Kor. 15:⁠12). Welu Pablo pengeli ñi welulkawkülen engün. Pablo feypi: “Fill antü inayawülenew reke tati lan dungu”. Pablo fill antü kuñiwün-ngefuy ñi layal reke, welu maneluwi ñi wiñomongetual wenu mu, Jesus reke (1 Kor. 15:⁠30-32, 42-44).

Korinto mu, pu dullin cristiano mülefuy ñi ngüneduamal engün ñi kutrankawal ka tañi layal, fey ñi wiñomongetual wenu mu. Tüfachi pu dullin cristiano “fautizangelu Kristo Jesus mew”, ‘kiñewkületuyngün kidu tañi lan mew’ (Rom. 6:⁠3). Tüfa pengeli ti pu dullin cristiano mülefuy ñi kutrankawal ka tañi layal Jesus reke, fey ñi wiñomongetual ta wenu.

Doy epu tripantu dew ñi fautizawün Jesus, feypifi tañi epu apostol: “Fautizawaymu chumngechi ñi fautizawmeken iñche” (Mar. 10:⁠38, 39, TNM). Feyta mu Jesus nütramkalay ñi fautizawmeken ko mu. Feymu, ¿chem pifel Jesus tüfa mu? Tüfachi epu apostol ñi piwkeyefiel mu ta Chaw Dios larpuafuyngu kütu. Pablo ka feypi ti pu dullin cristiano mülefuy ñi rupayal kutrankawün mu, fey ñi kiñentrür mülepual ta wenu (Rom. 8:⁠16, 17; 2 Kor. 4:⁠17). Ka femngechi mülefuy tañi layal engün ñi mülepual ta wenu.

Feymu lle taiñ ngüneduampeel, femngechi müley ñi rulpadungungeal ñi feypin ta Pablo: “Tati pu la wiñomongetunole, ¿chumngelu am fautizawkey che tañi layal? ¿Chumngelu fautizawkeyngün feychi dungu mu?”.