Kiñeke cristiano niey electronico chemkün femngechi ñi nütramkayafiel tañi pu che ka tañi pu peñi ka pu lamngen. Femle engün, pu cristiano kimchengelu inakeyngün tüfachi ngülam: “Ti kimche puwkintukey ti kuñiwün-ngelu fey ellkawkey, welu ti kimchengenolu amulekay müten, ka kutrankawkey tañi femün mu” (Prov. 27:⁠12).

Chaw Jewba elueiñmu ngülam taiñ kuñiwtukuaetew. Feymu iñchiñ weniyelafiyiñ pu püntülkachekelu, pu wemünentungelu trawünche mu ka pu welurakiduamelchekelu (Rom. 16:⁠17; 1 Kor. 5:⁠11; 2 Juan 10, 11). Kiñeke che trawüluwlu iñchiñ mu, inanielayngün chi Biblia ñi ngülam (2 Tim. 2:⁠20, 21). Feymu kuñiwtukuwkeiñ taiñ weniyenoafiel femngechi che. Welu re kimfiliyiñ kiñe che kiñe aplicacion ñi mandayal mensaje, doy küdawtuafuiñ taiñ kimal ñi iney ngen.

Kiñeke grupo de mensaje koneltuley fentren pu che. Kiñeke peñi ka lamngen koningün femngechi grupo mu, fey weda rupayngün. Feymu rakiduamliyiñ taiñ konal femngechi grupo mu, kümeafuy taiñ rakiduamal chem che koneltuley. Welu mülefule cien, mil kam doy chi che kiñe grupo mu, ¿chumngechi kuñiwtukuwafuiñ? Fente chengefule, kimlayafuiñ ñi iney ngen kake kiñeke engün ka tunte tañi weniyefiel engün ta Jewba. Biblia feypi: “Iñche weniyekelafiñ tati pu wentru koylatukelu, ka kiñepülekünukefiñ tati pu ellkanielu ñi iney ngen” (Sal. 26:⁠4). Feymu doy kümeafuy taiñ werküafiel mensaje pu che taiñ kimfiel müten.

Doy pichike grupo koneltuleliyiñ ka kuñiwtukuwaiñ. Küme adkünuaiñ tunten tiempo elkünukeiñ taiñ papeltual ka werküal mensaje. Kafey ngüneduamaiñ ñi kümepen may chem dungu mu nütramkangey. Kiñeke mu, pu che koneltulelu feychi grupo mu rume nütramkayafuy fillke dungu mu. Welu kake kiñeke iñchiñ dulliafuiñ chem mensaje taiñ wiñoldungual. Tati apostol Pablo ngülamtufi ta Timotew ñi weniyenoafiel pu dunguyechekelu (1 Tim. 5:⁠13). Famülke mu, pu che ka dunguyechekey internet mu.

Kiñeke che dunguyechefe ngele ka feypile kiñeke dungu ñi kimnoafel kakelu che, pu cristiano kimchengelu koneltukelay feychi nütramkan mu (Sal. 15:⁠3; Prov. 20:⁠19). Kafey allkütukelay afmatufalchi noticia kimngekenolu ñi rüfngen kam ñi rüfngenon, doyelchi may feypiyawkelay femngechi dungu (Efes. 4:⁠25). Taiñ sitio internet jw.org mu ka tati video tripalu fill küyen JW Broadcasting^® mu, müley fentren kimeltun tripalu Biblia mew ka rüfngechi noticia. Tüfa mu müley kom taiñ duamnieel.

Kiñeke peñi, lamngen, konkey fillke aplicacion ñi mandayal mensaje, femngechi ñi negociayal ka feypiafiel pu che chew ñi mülen küdaw. Tati negocio ngelay taiñ reyülafiel taiñ serfifiel mu ta Jewba. Iñchiñ taiñ cristianongen mu ngelay taiñ ayütuafiel ti plata. Feymu kintukelaiñ taiñ doy plata nieal taiñ pu peñi ka pu lamngen ñi duam mu (Eb. 13:⁠5).

Rupan mu wedake dungu, taiñ pu peñi, pu lamngen, duamnieafuy kellu. Fey ayüafuiñ taiñ ngülümal plata taiñ kelluafiel engün. Welu, ¿kümepeafuy may taiñ mandayal mensaje kiñe grupo mu taiñ ngülümal plata? Fente taiñ piwkeyefiel taiñ pu peñi, pu lamngen, rume ayüafuiñ taiñ kelluafiel ka yafültukuafiel (Sant. 2:⁠15, 16). Welu tati sucursal ka pu longkolelu trawünche mu, küme adkünuafuy chumngechi ñi kellungeal feychi pu peñi, pu lamngen. Feymu feypifiliyiñ kiñe grupo de mensaje ñi trapümal plata, kellulayafuiñ ñi küme tripayal tañi adkünuel tati sucursal ka pu longkolelu (1 Tim. 5:⁠3, 4, 9, 10, 16). Kafey ayülayafuiñ taiñ rakiduamelafiel ta kakelu che iñchiñ müten taiñ dullingen taiñ kelluafiel pu peñi ka pu lamngen.

Kom taiñ femün mew, ayünieiñ ñi püramyengeal Chaw Jewba (1 Kor. 10:⁠31). Feymu, nieliyiñ kiñe aplicacion ñi werküal mensaje, rakiduamaiñ chumngelu kuñiwün-ngeafuy fey kuñiwtukuwaiñ.