Choyüngen 1983 tripantu mu. Petu pichikalu iñche, tremolekefun. Welu mari tripantu nierpulu, kom tañi cuerpo fente kutrani. Epu tripantu rupalu, kiñe antü nepen, welu pepi nengümuwlan. Ayüfun ñi nengümafiel tañi chang, welu newen-ngelafuy. Fantepu mu pepi trekawelan. Kafey tañi kutran katrütuenew ñi doy tremal, feymu kiñe pichi wentru reke fenten.

Fente tañi kutrankülen, tripawelan tañi ruka mu. Kiñeke küyen rupalu, akuy tañi ruka mu epu domo Dungukelu Iney Ngen Jewba. Küpayüm witran, iñche ellkawkefun. Welu feychi antü, eluwün ñi nütramkayaetew feychi epu domo. Nütramkangen küme mülewe ngetual kom ti Mapu, fey acordan chem ñi rupan doy pichikalu iñche. Kechu tripantu nielu iñche, kiñe misionero enseñalelpakefuy Biblia tañi chaw. Feychi misionero Jethro pingey, mülefuy Surinam mapu mu. Rume küme wentru ngefuy. Ka kiñeke mu yengeken pu testigo ñi trawün mu. Kom feychi dungu acordan küpalu ti epu domo tañi ruka mu. Kiñe ti epu domo Florence pingey, ramtuenew: “¿Ayüfuymi tami doy kimafiel ta Biblia?”. “May” pifiñ.

Ka antü, pepaenew Florence tañi füta engu Justus pingelu. Fey eluwingu ñi enseñayaetew Biblia. Kimtukuyngu iñche ñi kim papeltunon, feymu enseñaenew tañi papeltual. Rupachi antü mu, kim papelturpun. Kiñe antü, tüfachi kurewen werküngeyngu ka mapu ñi amuldungual. Feymu ngewelafuy iney no rume ñi enseñayaetew Biblia. Welu Jewba rume piwkentukunieenew.

Rupalechi antü, akuy tañi lof mu kiñe precursor, Floyd pingey. Kiñe antü amuldunguyawlu, akuy tañi ruka mu. Ramtuenew: “¿Ayüfuymi tami doy kimafiel ta Biblia?”. Iñche ayelelfiñ. “¿Chumngelu am ayeleymi?” pienew. Iñche feypifiñ ñi estudiafiel ti folleto ¿Qué exige Dios de nosotros? ka ñi pichi estudiafiel ti lifru El conocimiento que lleva a vida eterna.⁠ * Ka feypifiñ chumngelu ñi estudiawenon Biblia. Floyd iñchiw dewman ñi estudiafiel ti lifru Conocimiento. Welu ka werküngey ka mapu ñi amuldungual. Ka kiñe rupa ngewelay iney tañi enseñayaetew Biblia, ¡müna weda!

 Welu 2004 tripantu mu, akuy tañi lof mu epu precursores especiales, Granville ka Joshua pingey. Amuldunguyawlu, akuy tañi ruka mu. Ramtuenew engu: “¿Ayüfuymi tami doy kimafiel ta Biblia?”. Iñche ayelelfiñ engu. Iñche ramtuwün: “¿Enseñapeafenew may ka femngechi dungu ñi estudiakefel ta kuyfi?”. Feymu feypifiñ ñi wiño estudiayafiel ti lifru Conocimiento. Granville ka mangelenew trawün mu. Epe 10 tripantu yeniekefun ñi tripanon ruka mu, welu ayülefun tañi amual. Feymu ka antü, Granville yepaenew, fey kiñe silla de ruedas mu yeenew ti Trawünwe Ruka mu.

Rupachi antü mu, Granville feypienew ñi wirintukual tañi üy, fey ñi wülal wewpin ka papeltun ti trawün mu. Feypienew: “Pepi trekakelaymi, welu dungukeymi llemay. Puway ti antü tami wülal fütrake wewpin, femaymi llemay”. Rume yafültukuenew tañi feypin.

Eluwün ñi amuldungual Granville iñchiw. Welu rume wedalkalekey ti rüpü tañi lof mu, feymu küme miyawkelafun tañi silla de ruedas mu. Feymu feypifiñ: “¿Yeafen carretilla mu?”. Fey doy küme amulerpuyu. Abril 2005 tripantu mu, fautizawün. Rupachi antü mu, pu peñi adümelenew ñi ngüneduamafiel ti literatura ka ti sistema de sonido ti trawünche mu.

2007 tripantu mu, tañi chaw nierumey kiñe accidente, feymu lay. Tañi pu che iñchiñ rume weñangkülefuiñ. Granville kiñentrür llellipukefuy iñchiñ mu, ka papeltulkefeiñmu Biblia taiñ yafültukuaetew. Rupalu epu tripantu, ka kiñe rume weda dungu mu rupaiñ. Granville nierumey kiñe accidente, feymu ka larkey.

Tañi pichi trawünche kidulewey ka rume weñangkülewey. Ngewelafuy longkolelu, kiñe siervo ministerial müten. Feychi lalu Granville, rume weñangkülewen, piwkeyen weni fel. Rume kelluenew ñi doy fülküleal Jewba mu ka ñi nieal kake dungu ñi duamniefel. Ti wünen trawün mu dew ñi lan tañi weni, eluñmangen ñi papeltual Ti Werken. Papeltun epu wünelechi parrafo, fey ngüman, ngünewlan. Ñawfulan fente ñi ngüman, feymu nagpatun ti plataforma mu.

Küpalu kakelu peñi kakelu trawünche mu, doy yafültukuenew ka doy küme duamün. Ka akuy kiñe precursor especial Betel mu werküel. Kafey tañi ñuke ka tañi peñi estudiayngu ta Biblia, fey fautizawingu. Tüfa rume ayüwülenew. Marzo 2015 tripantu, üytungen ñi siervo ministerial ngeal. Rupayechi antü mu, wülün tañi wünen fütra wewpin. Feychi antü acordan ñi feypietew Granville petu mongelelu, “puway ti antü tami wülal fütrake wewpin, femaymi llemay”. Ngümankechi acordan, welu ayelen.

Pefiyüm ti JW Broadcasting^®, ngüneduamken kiñeke peñi ka lamngen ka femngechi ñi felen iñche reke. Tüfachi pu peñi ka pu lamngen kutrankülefuyngün rume, welu femkeyngün fentreken dungu ñi poyeafiel ta Jewba, feymu ayüwkülekeyngün. Iñche ka femngechi femafun fentren dungu ñi küdawelafiel Jewba. Ayülefun tañi femal, feymu eluwün tañi wüneleal amuldungun mu. Septiembre küyen 2019 tripantu, afmatulewen feypingelu ñi longkoleal tañi pichi trawünche mu.

Rume mañumkülen tañi kelluetew mu pu peñi, pu lamngen. Kimeltuenew engün Jewba tañi dungu, ka kelluenew tañi poyeafiel. Doy may Jewba rume piwkentukunieenew, feymu rume mañumkefiñ.