1. Ñi feypin 2 Korintio 3:⁠1-3, ¿chumngelu fente ayüwün-ngey kelluafiel ta che ñi fautizawal? (Inaduamnge ti adentun wenulelu).

TAIÑ trawünche mu fautizawle kiñe estudiakelu Biblia, rume ayüwkeiñ (Mat. 28:⁠19). Eymi enseñalfilmi Biblia feytichi che tañi fautizawün, doy ayüwkülepelayafuymi (1 Tes. 2:⁠19, 20). Ñi fautizawün kiñe che pengelkey fente ñi küdawün kom ti trawünche ñi kelluaetew, fey ñi weniyerpuafiel ta Jewba. Feymu pu we fautizawlu taiñ trawünche mu kiñe ‘carta reke feleyngün taiñ dunguñpenieetew’ (papeltunge 2 Korintio 3:⁠1-3).

2. 1) ¿Chem müley taiñ ramtuwal kom iñchiñ? ¿Chemu am? 2) ¿Tunten mu wirintukuafuiñ kiñe estudio taiñ informe mu? (Inaduamnge ti kimal dungu).

² Rupalechi tripantu, fill küyen kiñe 10 millon che peno eluwi tañi enseñalelngeal Biblia.⁠ * Fill tripantu 280.000 feychi pu estudiakelu Biblia fautizawürpukey. ¿Chumngechi kelluntukuafuiñ kom pu estudiamekelu Biblia tañi fautizawürpual? Jewba elukefi tiempo tati pu che tañi kimaetew, feymu kelluntukuafiyiñ engün tañi alüñmanoal tañi fautizawal. ¡Pichilewey ta antü! (1 Kor. 7:⁠29a; 1 Ped. 4:⁠7).

3. ¿Chem ngüneduamaiñ tüfachi chillkatun mu?

³ Fente ñi falin-ngen ñi discipulo ngeal ta che, tati Cuerpo Gobernante ramtufi tati fillke Betel mülelu, chumngechi doy küme kelluntukungeafuy ta che ñi fautizawal. Feymu tüfachi chillkatun mu ka ti küpalelu, peaiñ ñi chumken kiñeke wünelekelu amuldungun mu fentren tripantu yenielu,  ka kiñeke misionero ka kiñeke witran-ngepakechi longkolelu (Prov. 11:⁠14; 15:⁠22).⁠ * Fey kimaiñ ñi chumafel tati petu kimeltuchekelu ka chumngechi doy küme kelluntukuafiel tati estudiakelu Biblia. Tüfachi chillkatun mu peaiñ kechu dungu taiñ kelluntukuafiel tati estudiakelu ñi fautizawürpual.

4. ¿Chemu duamfali pu che ñi doy elkünual tiempo ñi estudiayal ta Biblia?

⁴ Fentren taiñ pu peñi ka pu lamngen enseñalkefingün Biblia ta che, welu kiñeke mu müte alüñmakelay ñi nütramkan engün. Kiñeke mu nütramkakeyngün wülngiñ ruka mu müten ka pepi nütramkawkelayngün fill semana. Feymu kiñeke kimeltuchekelu ramtukefingün tati che tañi numero de telefono, femngechi mandalelkefingün kiñeke mensaje ñi pichi nütramkayafiel Biblia ñi dungu. Femmekeafuyngün chi fentren küyen, welu pepi kelluntukulayafuyngün tati che ñi piwkeyerpuafiel ta Jewba. Tati che elkünunole tiempo tañi doy estudiayal ta Biblia, topalayafuy ñi piwkeyerpuafiel ta Jewba ka fautizawürpulayafuy.

5. Ñi feypin Luka 14:⁠27-33, ¿chem müley ñi femal pu estudiakelu Biblia ñi inayafiel ta Jesus?

⁵ Kiñe antü Jesus feypi chem müley ñi femal ta kiñe che ayüle tañi inayaetew. Tañi kimeltual tüfa, Jesus feypi kiñe wentru ayüfule ñi dewmayal kiñe fütra ruka, wünelu mew müley ñi anükünuwal tañi nentucuentayal. Ka femngechi kiñe rey küpa amufule weychan mu, wünelu mew ka müley ñi nentucuentayal ñi pepi wewtripayafel ta weychan mu (papeltunge Luka 14:⁠27-33). Jesus ka feypi iney rume ayüle tañi discipulo ngerpual, müley tañi küme rakiduamal ñi chem chumal tañi inayaetew. Taiñ kelluafiel pu estudiakelu Biblia ñi femngechi femal, müley taiñ enseñayafiel fill semana. ¿Chumngechi künuafuiñ tüfachi dungu? Peafiyiñ.

6. Taiñ doy küme kelluafiel tati estudiakelu tati Biblia, ¿chumafuiñ?

⁶ Wünelu mu eluwnge tami doy tiempo enseñamekeafiel tati che. Wimtulelmi kiñe dungu müten tami enseñakefiel, ka kiñe dungu enseñayafuymi. Tati che wimturpule ñi doy pichiken tiempo ñi enseñalelngeal ta Biblia, ramtuafuymi ñi doy nien chi ta tiempo tañi ngüneduamafiel ta Biblia. Tati che llowelmu wülngiñ ruka mu müten, ramtuafuymi: “¿Pichi anükünuwpelayafuiñ may taiñ doy estudiayal?”. Tañi chem pin mu ti che pengelay tunte tañi falintukefiel ñi estudiayal ta Biblia.  Tami doy küme kelluafiel tati estudiakelu Biblia, ramtuafuymi: “Semana mu epu rupa estudialiyu Biblia kay, ¿ayüpelayafuymi?”. Welu feychi dungu müten ta duamfalngelay, ¿chemu am? Peafiyiñ.

7. ¿Chumngechi pepikawafuiñ tañi enseñacheal Biblia?

⁷ Müley tami küme pepikawal tami enseñayafiel tati estudiakelu Biblia. Wünelu mu papeltunge chem tami enseñayafiel ti che ka ti texto wirikonkülelu. Longkontukuaymi tati doy falinke dungu tami ngüneduamal. Küme ngüneduamfinge ti titulo, ti subtitulo, ti ramtun ñi wiñoldungungeal, ti texto ñi papeltungeal ka ti adentun, ka rakiduamnge chem video mu chi doy pichi kelluntukuafuymi tati che. Ka rakiduamnge chumngechi tami doy küme enseñayafiel tati estudiakelu Biblia, femngechi küme adümay ti kimeltun ka inayafi tañi mongen mu (Neh. 8:⁠8; Prov. 15:⁠28a).

8. Ñi feypin Kolosense 1:⁠9, 10, petu pepikawliyiñ taiñ enseñacheal, ¿chem llellipuafuiñ ta Jewba?

⁸ Kafey petu tami pepikawün, llellipuafuymi ta Jewba ñi kelluafiel tati estudiakelu Biblia. Ka femngechi “kelluen” piafuymi ta Jewba tami puwal ti che tañi piwke mu (papeltunge Kolosense 1:⁠9, 10). Rakiduamafuymi chem dungu doy küdawtuafuy ñi adümafiel ti estudiakelu ka chem dungu chi müte ayülayafuy. Longkontukunieaymi, ayünieymi tami kelluafiel tati che ñi fautizawal.

9. ¿Chumngechi kelluafuymi ti estudiakelu ñi pepikawal?

⁹ Fill semana estudiale tati che, falinturpuafuy kom ñi femün Jewba ka Jesus iñchiñ mu, fey ayüafuy tañi doy kimal (Mat. 5:⁠3, 6). Ti estudiakelu müley ñi küme longkontukunieafiel chem tañi estudiameken, femngechi tañi doy küme kimürpual. Feymu pengelelafimi tati che fente ñi falin-ngen tañi pepikawal chem tañi estudiayal. Tañi küme pepikawal, ti che müley tañi wüne kidu papeltuafiel ti kimeltun ka rakiduamal chumngechi ñi inayafiel tañi mongen mu. ¿Chumngechi kelluafuymi ti estudiakelu ñi küme pepikawal? Kiñe rupa mür pepikawaymi ti estudiakelu engu, femngechi pengelelafimi chumngechi ñi kidu pepikawal.⁠ * Kimelelafimi ti che chumngechi peafuy ti wiñoldungun  ti parrafo mu. Fey pengelelafuymi ñi marcakünual kiñeke dungu, femngechi pürüm ñi peafiel tati wiñoldungun. Fey feypiafimi kidu tañi dungun mu ñi wiñoldungual. Femle ti estudiakelu, kimaymi tunte ñi adümtukufiel ti kimeltun. ¿Ka chem chumafuy ti estudiakelu Biblia? Ngüneduamaiñ.

10. 1) Ti estudiakelu, ¿chumngelu müley ñi papeltuafiel Biblia fill antü? 2) ¿Müley ñi re papeltual müten ti Biblia?

¹⁰ Falin-ngey ti che ñi estudiayafiel ta Biblia fill semana, welu ka femngechi müley ñi kidu allkütuafiel ka nütramkayafiel ta Jewba fill antü. ¿Chumngechi pepi allkütungeafuy ta Jewba? Müley fill antü papeltuafiel ta Biblia (Jos. 1:⁠8; Sal. 1:⁠1-3). Taiñ pagina internet mu, müley kiñe papel adkünukelu taiñ papeltuafiel Biblia fill antü. Fey ka adkünulelafimi ti estudiakelu tüfachi papel.⁠ * Welu ngelay ñi re papeltuafiel müten ta Biblia. Kimelelafimi tati estudiakelu ñi rakiduamal papeltun mu ñi chumngen ta Jewba ka chumngechi ñi inañmayafiel tañi ngülam (Hecho 17:⁠11; Sant. 1:⁠25).

11. 1) Pu estudiakelu Biblia, ¿chumngechi kim llellipuafuy ta Jewba? 2) ¿Chumngelu falin-ngey fill antü ñi llellipuafiel ta Jewba?

¹¹ Ka femngechi ti estudiakelu Biblia müley ñi nütramkayafiel ta Jewba. ¿Chumngechi femafuy tüfa? Müley tañi fill antü llellipuafiel. Pemefiliyiñ ti estudiakelu Biblia, kümeafuy wünelu mu taiñ kiñewkülen llellipuafiel Jewba kom piwke mu. Ka femngechi dewmanentuliyiñ ti estudio, ka llellipuaiñ. Feypiafiyiñ ta Jewba ñi kelluafiel tati estudiakelu. Fey ti estudiakelu allkütule tami llellipun, kimay chumngechi ñi nütramkayafiel ta Jewba kom ñi mülen tañi piwke mu ka kimay ñi llellipual Jesus tañi üy mu (Mat. 6:⁠9; Juan 15:⁠16). Tati estudiakelu fill antü allkütufile ta Jewba Biblia mu ka nütramkafile llellipun mu, doy küme weniyerpuafi (Sant. 4:⁠8). Ñi femngechi femal fill antü, kelluaeyew tati estudiakelu ñi wültukual ñi mongen Jewba mu ka ñi fautizawal. Peafiyiñ ka chem kelluafeyew.

12. ¿Chumngechi kelluafuiñ ti estudiakelu ñi weniyerpuafiel ta Jewba?

¹² Tunte ñi kimürpukeel ti pu estudiakelu Biblia müley ñi puwal tañi piwke mu, femngechi inayafi tañi mongen mu. Jesus ñi  antü mu, ka femkefuy che. Tañi piwke mu engün puwi ñi chem enseñaletew ta Jesus, feymu inanierpufingün (Luka 24:⁠15, 27, 32). Ti estudiakelu Biblia müley ñi ngüneduamal rüf tañi duamnieetew Jewba, feymu weniyerpuafuy ka küme Chaw trokiafi engün (Sal. 25:⁠4, 5). Petu enseñalfiliyiñ ta che, kelluafiyiñ ñi ngüneduamal ñi chumngen ta Jewba, ñi piwkeyecheken, ñi fürenecheken ka ñi kutrantupiwkeyecheken (Éx. 34:⁠5, 6; 1 Ped. 5:⁠6, 7). Jesus feypi “tati wünen werkün dungu ka doy falilu kom werkün dungu mew”, fey taiñ piwkeyeafiel ta Jewba kom taiñ piwke mew (Mat. 22:⁠37, 38). Feymu kelluafiyiñ tati estudiakelu Biblia ñi piwkeyerpuafiel ta Chaw Jewba.

13. ¿Chumngechi kelluafuiñ ti estudiakelu ñi doy kimürpuafiel ta Jewba?

¹³ Feypiafiyiñ tati estudiakelu chumngelu iñchiñ fente piwkeyekefiyiñ ta Jewba. Femngechi ka eluwafuy ñi weniyeafiel ka piwkeyeafiel ta Jewba (Sal. 73:⁠28). Papeltufiel mu iñchiñ Biblia ka taiñ publicaciones, doy ngüneduamkeiñ Jewba ñi piwkeyecheken, rume tañi nien ta kimün, ñi newen-ngen ka ñi norngen, fey puwkey taiñ piwke mu. Petu taiñ enseñameken triparumele kiñe tüfachi kimeltun, fey nütramelkeafiyiñ tati estudiakelu chumngelu tüfa doy kellukeeiñmew taiñ piwkeyeafiel ta Jewba. Welu ka kiñe dungu müley ñi femal ti estudiakelu tañi fautizawal. Ngüneduamafiyiñ.

14. Ñi feypin Ebrew 10:⁠24, 25, ¿chumngelu fente falin-ngey pu estudiakelu Biblia ñi trawüluwal?

¹⁴ Kom iñchiñ ayünieiñ ñi fautizawal feytichi che taiñ enseñalmekefiel Biblia. Taiñ kelluafiel, feypiafiyiñ taiñ kiñentrür trawüluwal. Pu peñi ka pu lamngen kellukefilu ta fentren che ñi fautizawal feypikeyngün: “Pu estudiakelu Biblia amule taiñ trawün mu, doy matu pepikawküleayngün ñi fautizawal” (Sal. 111:⁠1). Kiñeke peñi ka lamngen feypikefingün tati pu estudiakelu Biblia: “Tami doy küme adümafiel Biblia, müley tami amual taiñ trawün mu”. Kümeafuy tami papeltulelafiel pu estudiakelu Biblia Ebrew 10:⁠24, 25, femngechi pengelelafimi fente ñi kümen taiñ trawüluwal (papeltunge Ebrew 10:⁠24, 25). Kafey pengelelafuymi ti video ¿Chumkeyngün am pu Dungukelu Iney Ngen Jewba tañi Trawünwe Ruka mu?⁠ * Femngechi kelluafuymi pu estudiakelu Biblia ñi rume falintuafiel tañi trawüluwal.

15. ¿Chumngechi kelluafuiñ pu estudiakelu Biblia ñi trawüluwal?

 ¹⁵ Enseñalelfilmi Biblia ta kiñe che, welu petu trawüluwlay kam kiñeke mu müten trawüluwkey, ¿chumngechi kelluafuymi? Ayüwünkechi feypiafuymi kiñe we dungu tami kimürpuel trawün mu. Pu estudiakelu Biblia pefiel mu fente tami falintukefiel ti trawün, ka ayükayafuy chi tañi trawüluwal. Eluafuymi ti revista Ti Werken ka ti papel taiñ pepikawam ñi ngüneduamngeal feychi semana mu. Fey pengelelafuymi chem ñi ngüneduamngeal küpalechi trawün mu, fey ramtuafuymi: “¿Tuchi am doy ayüafuymi tami kimürpual?”. Tati estudiakelu Biblia amule taiñ trawün mu, rakiduamafuy “rume kümey tamün trawün, iñche turpu amukelafun femngechi trawün mu kakelu religion mu” (1 Kor. 14:⁠24, 25). Trawün mu, kimmeafuy kakelu peñi ka lamngen tañi inayentuafiel, fey tüfa engün kelluafeyew ñi pepikawküleal tañi fautizawal.

16. 1) ¿Chem chumafuiñ taiñ kelluafiel pu estudiakelu Biblia ñi fautizawürpual? 2) ¿Chem peaiñ küpalechi chillkatun mu?

¹⁶ Kom taiñ ngüneduampeel tüfachi chillkatun mu pengelkeeiñmu chumngechi taiñ kelluafiel pu estudiakelu Biblia ñi fautizawürpual. ¿Longkontukunieymi? Kelluafiyiñ pu estudiakelu Biblia ñi falintuafiel Chaw Dios tañi dungu, fey feypiafiyiñ fente ñi kümen tañi estudiayal Biblia fill semana, ka kom tañi pepikayafiel chem tañi estudiayal. Ka kelluafiyiñ pu estudiakelu Biblia ñi allkütuafiel ka ñi nütramkayafiel ta Jewba fill antü, fey tañi weniyerpuafiel. Ka mangelafiyiñ tañi amual trawün mu. (Inaduamnge ti wichulechi dungu “ Pu estudiakelu, ¿chem müley ñi femal tañi fautizawal?”). Küpalechi chillkatun mu, peaiñ kakelu kechu dungu chumngechi taiñ kelluafiel pu estudiakelu Biblia, femngechi ñi fautizawürpual.