Eclesiastés 5:⁠8 feypi: “Tami mülen mu pefilmi kiñe gobernante ñi wedalkamekefiel pu pofre ka ñi femken norngenochi dungu, afmatukilnge. Feychi gobernante penieeyew kiñe doy fütra gobernante. Ka feychi fütra gobernante penieeyew kiñe doykülelu kidu mew”. Rakiduamfali ñi feypin tüfachi versiculo.

Iñchiñ rakiduamafuiñ tüfachi versiculo pengelkey ñi chumken pu autoridadkülelu. Welu ka femngechi kimeltukeeiñmu kiñe falin dungu Jewba mu, müna yafültukukeeiñmu.

Eclesiastés 5:⁠8 nütramkay kiñe gobernante wedalkakefilu pu pofre ka femkelu norngenochi dungu. Feychi gobernante müley ñi acordayal ñi penieetew kiñe doy fütra gobernante, ka müleafuy kiñe gobernante doykülelu tüfachi fütra gobernante mu. Welu kiñeke gobierno mu kom pu gobernante norngelayngün, feymu müna sufrikey ta che.

Welu tunte wedalkale rume tati pu gobierno, Jewba penieeyew engün. Taiñ kimfiel tüfa, müna yafültukukeeiñmu. Llellipuafuiñ ta Jewba taiñ kelluaetew (Sal. 55:⁠22; Filip. 4:⁠6, 7). Kimnieiñ Jewba ñi lelimekefiel “kom wall Mapu mew ñi pengelal tañi newen ñi füreneafiel feychi che poyekeetew kom tañi piwke mu” (2 Crón. 16:⁠9).

Feymu Eclesiastés 5:⁠8 pengeli tati pu gobernante siempre inaley kakelu gobernante mu doy autoridad nielu. Doyelchi may tüfachi texto pengelkeeiñmu Jewba ñi doy alüpüralen chem gobernante mu rume. Jewba adniefi ta Jesus ñi ngünenieal tañi Gobierno mu. Chaw Ngünechen Jewba kom peniey, nor dungu müten femkey. Ka femngechi Jesus nor dungu femkey.