2022 tripantu mu rupai fentren huesaque dungu: hueichan, doi falilerpui iyael ca fillque chemcün, mülei fütraque mangiñ, fütraque meulen ca caquelu femngechi dungu. Biblia müten quimeltuafeiñmu chumngelu ñi rupan com tüfa.

Chumngelu ñi rupan huesaque dungu 2022 tripantu mu

 Com ñi rupan tüfachi tripantu mu, ¿chem pengeli? Epe puucülei “ñi afal mapu müleyechi dungu” (2 Timoteo 3:1). Feichi 1914 tripantu mu taiñ mülen afaelchi antü mu. Biblia feipicünui ñi rupayal fentren huesaque dungu famülque mu, inaduamnge ñi femtripan tüfa.

 “Hueichan” (Mateo 24:6).

•   “2022 tripantu mu huiño mületui hueichan Europa mapu mu”. a

 “Filla” (Mateo 24:7).

•   “2022 tripantu mu mülei fütra filla mülequenofulu”. b

 “Huesaque cutran” (Lucas 21:11).

•   “Feiti polio cutran ca huiño hueftui, fentren che tuleyu feiti viruela del mono cafei ti COVID-19. Com tüfachi cutran tulchequelu rume cuñihun-ngei”. c

 “Llicafalchi dungu” (Lucas 21:11).

•   “Feiti 2022 tripantu acordangeai tañi rupan fentren huesaque dungu: rume fütraque are, mahunquelai, mülei fütraque lüpümtucuhun ca fütraque mangiñ co. Com tüfa rume huesalcafi fentrenque che. Huarancaque che laingün ca millonque che lefmahui ñi ruca mu”. d

 “Quehuan” (Lucas 21:9).

•   “Com che illculei, müte nielaingün ta plata ca com fillem doi fali. Feimu feiti 2022 tripantu mu doi protestai tati pu che”. e

Ca tripantu mu, ¿chem rupayai chi?

 Inei rume quimlai chem ñi rupayal 2023 tripantu mu. Huelu quimnieiñ mai pichiñma mu Chau Ngünechen ngünenietuai mapu ca cüme elcünutuafi (Daniel 2:44). Chau Dios apümcayafi com huesaque dungu taiñ cutrancaqueteu ca Chau Dios ñi ayüqueel felerpuai mapu mu (Mateo 6:9, 10).

 Jesús feipieiñmu taiñ llihuatuleal ca ngüneduamnieafiel ñi chum tripayal Biblia ñi feipicünuel. Rume falin-ngei tami allcütuafiel ta Jesús (Marcos 13:37). ¿Ayüafuimi quimal chumngechi tami quelluaeteu Biblia ca eluaeteu maneluhun ca tami familia? Iñchiñ quelluhuafuiñ, huirintuculelmuaiñ.