Chumngechi feipin tati Organización Mundial de la Salud, 23 conchi mayo cüyen 2022 tripantu, lai deuma 6.270.000 che COVID-19 cutran mu. Huelu feichi cüyen, doi fentren che lapelai pi tati Organización Mundial de la Salud. Ca feipi feichi 2020 ca 2021 tripantu mu, lapelai doi 14.900.000 che COVID-19 cutran ñi duam mu. Rume hueñancün-ngei ñi lan rume fentren che. ¿Feipipei mai Biblia femngechi dungu ñi rupayal?

•    Jesús feipicünui afaelchi antü mu, ñi müleal “cutran fill mapu püle” (Lucas 21:11; 2 Timoteo 3:1).

 Tüfachi dungu ñi feipicünuel Jesús, com femtripalei fachantü. Tami doi quimal, pefinge ti troquiñ “¿Chem dungu pengeli taiñ mülen afaelchi antü meu?”.

•    Biblia feipi Chau Dios “yafülqueiñmeu com taiñ cutrancahun meu” (2 Corintios 1:3, 4).

 Fentren che layeluulu Biblia mu entuquei yafüluhun. Pefinge ti troquiñ “¿Chumafuimi tami cüme duamcületual? Quiñeque dungu tami femal” ca tati troquiñ “Tati doi cüme quellu ñi nieafel pu layeluulu”.

•    Biblia feipi: “Cüpape tami Ngünenien [Gobierno]. Femngepe tami feipin huenu meu, ca femngechi Mapu mu” (Mateo 6:10, TNM).

 Pichilehuechi antü mu, Chau Dios tañi Gobierno mu ngehuetulayai ta cutran, feimu “inei no rume feipilayai: ‘Iñche cutrancülen’” (Isaías 33:24; Marcos 1:14, 15). Tami doi quimal chem ñi femal tüfachi Gobierno, pefinge ti video ¿Chem am ta Chau Dios ñi Reino?

 Mangeluhuayiñ tami doi quimafiel ti Biblia, femngechi eimi ca tami familia entuaimün cümeque ngülam ca quimaimün chem cümeque dungu ñi femal Chau Dios.