Feichi 24 conchi mayo cüyen 2022 tripantu, rupai quiñe fütra huesa dungu quiñe pichi huaria mülelu Texas, Estados Unidos mapu. Quiñe diario feipi: “Quiñe huentru maloncontupufi quiñe escuela, fei tralcatufi ca langümfi mari ailla pichiqueche ca epu profesora” (ti diario The New York Times).

 ¡Chumaiñ am! Femngechi huesa dungu ñi rupamequen com Mapu mu. Cangelu diario feipi: “Rupachi tripantu Estados Unidos mapu mu tralcatungei 249 escuela. Fantepu meu chumcaunorume rupaquelafui femngechi dungu Estados Unidos mu” (ti diario USA Today).

 ¿Chumngelu rupamequei fente huesaque dungu? ¿Chumngechi yafüluhuafuiñ rupan mu femngechi huesaque dungu? ¿Afpeai mai quiñe antü tüfachi huesaque dungu? Peafiyiñ Biblia ñi feipin.

•  Biblia feipi taiñ mülen afaelchi antü mu. Tüfachi antü mu ngehuelayai ta piuqueyehun ca illcufengeai pu che. Com femtripalerpui feula, feimu fentren che llicafali aucan culliñ reque. Femngechi che “doyelcüleai ñi huesalcalen engün” (2 Timoteo 3:1-5, 13). Tami doi quimal, pefinge ti troquiñ “¿Predijo la Biblia cómo sería la gente en nuestros días?”.

 Fentren che ramtuuquei: “¿Chumngelu Dios catrütuquelai tüfachi tralcatun ca caquelu huesaque dungu?”. Tami doi quimal chem pin tati Biblia, papeltunge ti troquiñ “¿Por qué le pasan cosas malas a la gente buena?”.

•    Biblia feipi: “Com tati cuifique dungu huirintucungei taiñ quimeltungeal. Chau Ngünechen ñi huirintucuel yafültucuqueiñmeu ca quelluqueiñmeu taiñ nehuentuleal. Feimu nieiñ ta maneluhun” (Romanos 15:4).

 Biblia ñi ngülam quelluafeimu yafüluhual famngechi dungu rupale Mapu mu. Tami doi quimal, pefinge ti ¡Despertad! feipilelu “¿Acabará algún día la violencia?”.

 Pu pichiqueche llicaquei allcütufiel mu famngechi huesaque noticia. Eimi chau cam ñuque, quelluafiel tami pichiqueche, papeltunge ti troquiñ “El efecto de las noticias en los niños”.

•    Biblia feipi: ‘Tañi cutrancangequen ca tañi quehuatungequen mu Dios ta montulaeyu engün’ (Salmo 72:14).

•    “Tañi fütra cuchillo, ta araungetuai, ca tañi huaiqui, rosehuengetuai. Quiñe troquiñ mapu huitrañpüramlayai tañi fütra cuchillo cangelu troquiñ mapu engu, ca quimhuelayaingün hueichan” (Miqueas 4:3).

 Chau Dios com femai pu che tañi pepilquenoel. Tañi Gobierno huenu mülelu, fei llemai apümcünutuafi com chi tralcatuhue ca tati hueichan. Tami doi quimafiel ñi chumal Chau Dios ñi Gobierno, papeltunge ti troquiñ “Chaw Dios ñi Gobierno mu ‘fentren küme felen müleay’”.