“Com taiñ duamnieel rume falilerpui ca tati pu che nielai ta plata tañi gastayal. Fei ta müna cuñihun-ngefui com püle” (ñi feipiel ti presidente del Banco Mundial, junio 2022).

 “Ti iyael ca tati combustible doi falilerpui, fei ta doi huesalcaquefi cheu tañi mülemum pu pofrelelu” (ñi feipiel ti troquiñche Fondo Monetario Internacional).

 Biblia quelluqueiñmu chemu femngechi dungu tañi rupamequen, ca feipieiñmu chumngechi taiñ chaftuafiel ca taiñ maneluucüleal.

•   Biblia feipi famülque mu ‘epe puucülei ñi afal mapu müleyechi dungu’ (2 Timoteo 3:1).

•   Jesús feipi taiñ antü mu müleai “llicafalchi dungu” (Lucas 21:11). Com rume falilu am, feimu com che llicalefui. Raquiduamqueingün ñi chumleal cüpalechi antü mu ca chumngechi ñi eluafiel ñi familia tañi duamnieel.

•   Apocalipsis pingechi lifru feipicünui ti afaelchi antü mu ñi doi falial tati iyael. Feipi: “Allcün quiñe dungun feipimequelu: ‘Cüla quilu cahuella quiñe antü cüdau meu ñi cullingeal’” (Apocalipsis 6:6, Ngünechen ñi Küme Dungu).

 Tami doi quimal ñi pichilehuen ti antü ca ti profecia Apocalipsis mu mülelu, pefinge ti video 1914 tripantu ta fantepu mu caletui ta dungu Mapu meu ca papeltunge ti troquiñ “¿Qué representan los jinetes del Apocalipsis?”.

•   “Deumarucayaingün, ca fei mu müleaingün, anümaingün ofad ca iñmuaingün ñi fün. Deumarucalayaingün ca che ñi müleam, ca anümlayaingün caquelu ñi iñmual” (Isaías 65:21, 22).

•   “Fentren iyael müleai tüfachi Mapu meu; huente huincul cütu huefpayai ti fün” (Salmo 72:16).

•   “‘Ñi huesalcangen mu pu cutrancaucülelu, ñi hueñancümequen pu pofre, iñche huitrapürayan tañi quelluafiel’ feipi Jehová” (Salmo 12:5). a

 Tati pu pofre doi pofrelerpui, tati pu ricu doi ricungerpui. Huelu taiñ Chau Dios com cüme elcünutuafi com feitachi dungu ñi rupamequen com mapu mu. Tami quimal ñi chumal ta Dios, pefinge ti troquiñ “¿Es realista esperar un sistema económico justo?”.

 Biblia ca quelluafeiñmu fachantü. ¿Chumngechi am femafui? Eluqueiñmu cümeque ngülam chumngechi taiñ cüme püneafiel tati plata (Proverbios 23:4, 5; Eclesiastés 7:12). Tami doi quimal, papeltufinge ti troquiñ “Cüme adcünuaimi tami plata” ca “Cómo vivir con menos”.