Fentren che trahuluhuai ñi acordayafiel tati Holocausto judio 27 conchi enero, 2023 tripantu mu. Eimi ramtuhuafuimi, “¿chumngelu Chau Dios catrütulafi ñi rupanoal feichi fütra huesa dungu?

•   Tami quimal chem huiñoldunguquei Biblia papeltuafuimi ti quimeltun feipilu: “¿Chumngelu rupai ti Holocausto judio? ¿Chumngelu Chau Dios catrütulafi ñi rupan?”

 Holocausto mu, pu judio rume cutrancangeingün fei hula langümngeingün. Caquelu troquiñche ca inantucungei ca langümngei Holocausto mu. Quiñe tüfa, Jehová tañi troquiñche. Rume inantucungeingün tañi feyentun Biblia mu.

•   Tami doi quimal papeltuafuimi ti quimeltun feipilu: “¿Qué les ocurrió a los testigos de Jehová durante el Holocausto?”

 Fentren che llicalei ñi ca huiño rupayal femngechi fütra huesa dungu. Huelu iñchiñ tüngduameleiñmu Biblia ñi feipicünuel, puhuai ti antü ñi rupahuenoal femngechi fütra huesa dungu.

•   “‘Iñche am cüme quimnien tañi raquiduamcülen eimün mu’ pi Jehová, ‘nien tüngcülechi raquiduam, ca huesa raquiduam nielan, tañi eluafiel ta eimün cüme felen ca quiñe maneluhun’” (Jeremías 29:11). a

 Chau Jehová apümafi tati huesaque dungu ca cüme elcünuai com dungu huesalcalelu mapu mu, femngechi femtripayai taiñ maneluucülen. Fülcülepai ti antü Chau Jehová ñi femal tüfachi dungu:

•   Apümafi pu huesaque che (Proverbios 2:22).

•   Cümelcayafi pu cutrancaucülelu, fei ñi tüngcületual engün (Apocalipsis 21:4).

•   Huiñomongeltuafi tati pu la, fei ñi mongeletual mapu mu (Juan 5:28, 29).

 Eimi ca rüf maneluhuafuimi tüfachi dungu ñi feipicünuel Biblia. ¿Chumngechi femafuimi? Tami quimal chillcatuafuimi Biblia quiñe che engu tami quelluaeteu.