¡TREPELUUCÜLENGE!
Rume arengemequei fillque troquiñ mapu mu, ¿chem pilei Biblia?
Julio cüyen mu, 2022 tripantu mu, fillque troquiñ mapu meu rume arengemequei:
“Epu rupachi, pu autoridad China meu ngüfetumequefi com pu che ñi rume arengeal 70 huaria meu” (25 conchi julio, 2022 tripantu, CNN Wire Service pingechi sitio).
“Europa mu am rume arengemequelu, lüfconmequei fütraque bosque fillque troquiñ mapu mu” (17 conchi julio, 2022 tripantu, The Guardian pingechi sitio).
“Domingo meu, fentren huaria Estados Unidos mu rume arengei. Fütraque meulen are puhui huif lafquen este püle, sur püle ca medio oeste püle” (24 conchi julio, 2022 tripantu, The New York Times pingechi diario).
¿Chem am ta com tüfa? ¿Mülehuengehuepelayai mai ta mapu? ¿Biblia cai chem pilei tüfa mu?
Rume fütraque are, ¿femtripalepei mai ñi feipin ta Biblia?
Mai, feipi llemai. Biblia feipi ñi rupayal huesaque dungu taiñ antü meu, tüfachi fütraque are ca coneltulei. Raquiduamnge tüfa mu. Jesús feipicünui pu che ñi peafiel “llicafalchi dungu” (Lucas 21:11). Fente arengemequelu am com huall mapu mu, pu che llicalei che ñi huesalcamequefiel mu ti mapu feimu pepi mülen-ngehuenoalu troquifingün.
Tati mapu, ¿mülehuengehuepelayai mai?
Femlai. Ngünechen deumafi tati mapu pu che ñi rumel mongeleam fei mu (Salmo 115:16; Eclesiastés 1:4). Quisu eluñmalayafi tati pu che ñi apümafiel tati mapu. Quisu feipicünui ñi apümcayafiel “tuchi huesalcamequefilu ta mapu” (Apocalipsis 11:18).
Ngüneduamnge tüfachi epu dungu ñi feipicünuel ta Dios. Quisu cüme elcünutuafi tati mapu:
“Tati desierto ca tati anquen mapu rume ayühun nieai, ca tati laf mapu ayüucületuai ca rume rayületuai” (Isaías 35:1). Chau Dios huellicünulayafi tati mapu, cheu ñi mülenon ta mongen. Doi mai, huecünutuafi cheu ñi huesalcangeel.
“Eimi cuidaniefimi tati mapu, eimi tami duam mu hulquei fentren fün ca cümecünufimi” (Salmo 65:9). Chau Dios hue mülehuecünutuafi ti mapu.
Quiñeque troquiñ mapu meu rume arengei, hutrengemequei. ¿Chem pilei Biblia tüfa mu? Tami quimal, pefinge ti troquiñ “¿Qué dice la Biblia sobre el cambio climático y nuestro futuro?”.
Biblia feipi ti mapu ñi cüme elcünungetual. Tami doi quimal, pefinge ti troquiñ “¿Quién salvará el planeta?”.
Eimi ca ayüafuimi
FILLQUE RAMTUN BIBLIA MU
¿Chem dungu pengelniei taiñ mülen afaelchi antü mu?
Biblia feipicünui fentren dungu ñi quiñentrür femtripayal afaelchi antü meu.
FALINQUE QUIMELTUN BIBLIA MU TRIPALU
¿Chumngelu Chau Ngünechen deumai ti Mapu?
Taiñ Mapu apolei fillque adngechi dungu mu. Elcünungei ñi cüme alütripaleal ta Antü mu, amulcünungei tañi fente cüme chihudquiyahual ca cüme cülücünungei. ¿Chumngelu Chau Ngünechen fente cüme deumafi taiñ Mapu?
