Feichi 19 antü mayo cüyen 2022 mu, femngei quiñe trahun ti Consejo de Seguridad de la ONU. Feitichi trahun mu coneltuingün doi 75 fütraque loncolelu. Feipingün: “Pichilehuei ti iyael Mapu mu tripalu ti huesa cutran COVID-19 pingelu ca caletulu ti tiempo. Huelu mülen mu hueichan Ucrania mu, doi amulei ñi ngenon iyael, fei puhuafui com Mapu mu”. Cafei ti revista The Economist pingelu feipi: “Deu mülequefui fentren huesaque dungu Mapu mu. Huelu feitichi fütra aucan ñi duam mu, doyelchi mai müleai ngüñüutun”. Biblia deu feipicünui ñi müleal feitachi ngüñüutun dungu taiñ antü meu. Huelu ca elueiñmu ngülamtun ca maneluhun taiñ chaftuafiel.

•    Jesús feipicünui: “Quiñe troquiñ mapu ta hueichayalu cangelu troquiñ mapu engu ca fütra troquiñ mapu hueichayai cangelu fütra troquiñ mapu engu. Ca müleai ta ngüñün” (Mateo 24:7).

•    Apocalipsis lifru mu huiriconcülei ñi huefpan meli cahuellutulelu. Quiñe feiti cahuellutun adentulei ti hueichan. Ca inalechi cahuellutun adentulei ti ngüñün. Apocalipsis ca feipi ñi puhual ti antü pichin iyael müten ñi elungeal caque quiñe che ca rume falin-ngeai. “Pefiñ quiñe curü cahuellu, fei tañi püracahuellunieteu nüniei ta quiñe romana tañi cuhu meu. [...] Allcün quiñe dungun feipimequelu: ‘Quiñe kilo cachilla müten cullingeai quiñe antü cüdau meu, ca cüla kilo cahuella quiñe antü cüdau meu ñi cullingeal’” (Apocalipsis 6:5, 6).

 Tüfa ñi huirintuculen Biblia mu femtripamequei fachantü, Biblia feipilu cai ‘epe puucülei ñi afal ta antü’ (2 Timoteo 3:1). Doi cüpa quimülmi tati afaelchi antü ca tati meli cahuellutulelu, pefinge ti video 1914 tripantu ta fantepu mu caletui ta dungu Mapu meu ca papeltufinge ti troquiñ feipilelu “¿Qué representan los jinetes del Apocalipsis?”.

•    Biblia eluqueiñmeu cümeque ngülam chumngechi ñi yenieal tachi ngüñüutun dungu, rume ñi falin-ngen ta iyael ca caquelu huesaque dungu. Peafuimi quiñe cümeque ngülam ti troquiñ feipilelu “Cómo vivir con menos”.

•    Biblia ca elueiñmu maneluhun ñi cümelcaletual ti dungu. Feipi “fentren iyael müleai tüfachi Mapu meu” ca inei no rume ngüñüutuhuelayai (Salmo 72:16). Doi quimal tüfachi cüme maneluhun dungu mu, papeltunge ti troquiñ feipilelu “La esperanza real de un mañana mejor”.