Julio 2022 tripantu com mapu püle mülei huesaque armaucülen quehuatuquei.

•   “Ñi langümngen ti doi quimniengeelchi politico Japón mapu mu [Primer Ministro Shinzo Abe pingelu], rume huesa duamelfi pu che ca llicalcaquefi. Feichi mapu mu pu che müte pequelai femngechi dungu. Cafei Japón mapu mu mülei quiñeque ley dungu eluñmaquelafi pu che ñi nieal arma” (10 conchi julio, 2022 tripantu, The Japan Times pingechi revista).

•   “Dinamarca mapu mu, quiñe che armaucülelu langümfi cüla che. Pu che rume llicaleingün” (4 conchi julio, 2022 tripantu, Reuters).

•   “Sudáfrica mu, quiñeque huentru quiñe restoran mu tralcatuingün. Fei 15 che langümfingün” (10 conchi julio, 2022 tripantu , The Guardian pingechi sitio).

•   “Estados Unidos mapu mu, afchi semana 4 conchi julio mu, 220 che ñi tralcatungen mu langümngeingün” (5 conchi julio, 2022 tripantu, CBS News).

 ¿Mülepei mai quiñe maneluhun ñi afal com tüfachi dungu? ¿Chem quimeltuquei Biblia tüfachi dungu mu?

 Ti Biblia feipi “epe puucülele ñi afal mapu müleyechi dungu” pu che ngünenieulayaingün ca illcufemqueaingün (2 Timoteo 3:1, 3). Com mapu mu ñi mülen huesaque che ca quehuatun dungu, pu che llicaleingün (Lucas 21:11). Huelu Biblia feipi com tüfachi huesaque dungu ñi afal, ñi ngehuenoal quehuatun dungu. Ca feipi “pu che müleai cüme felen mu, cuñihun-ngenon mu, cümelcalechi mülehue cheu ñi ürcütuam” (Isaías 32:18). ¿Chumngechi fel ta tüfa?

 Chau Dios apümafi com tati huesaque che ca com ti tralca.

•   “Tati pu huesaque che apümngeaingün mapu meu” (Proverbios 2:22).

•   ‘Chau Dios apümcaniefi ti hueichan itrocom Mapu mu. Huatrocafi ti arco ca catrücayafi pu huaiqui; cütral mu lüpümyefi hueichan carreta’ (Salmo 46:9).

 Chau Dios quimeltuafi ta pu che tañi ñom piuquengeal engün, femngechi ñi ngehuenoal quehuatun ca tralcatun.

•   “Huesalcalayaingün, ca chem huesa dungu no rume femlayaingün iñche tañi fütra huincul meu; rüfcünu llemai, tati Mapu apoleai Jehová ñi quimün meu chumngechi tati co tacuquei ti lafquen” (Isaías 11:9).

•   Famülque mu, Dios quimeltuniefi pu che tañi famentuafiel ti quehuatun ca tañi pünenoafiel arma. Femngechi “tañi fütra cuchillo, ta araungetuai, ca tañi huaiqui, rosehuengetuai” (Miqueas 4:3).

 Tami doi quimal Biblia ñi feipicünuel mu ñi ngehuenoal llican-ngechi dungu, papeltunge ti troquiñ “¿Es posible librarse del miedo?”.

 Tami doi quimal ñi afal ti quehuatun dungu, papeltunge ti troquiñ “¡Por fin paz en la Tierra!”.