Fill tripantu mu, fentren amuldunguwenolu küpakeyngün ti trawün Jesus tañi lan ñi akordangeal. Kuyfi mu eluwingün ñi poyeafiel ta Chaw Dios, welu famülke mu femwelayngün fentren dungu mu, chumngechi ñi pengelkeel ti papil Jehová desea que vuelva (Eb 12:1). Jewba petu falintuniekefi pu amuldunguwenolu, wültukulu am ñi Fotüm fey engün mu (Hch 20:28; 1Pe 1:18, 19). ¿Chumngechi am kelluafuiñ ñi wiñotual engün ti trawünche mu?

Kiñe kamañ reke kintumekefilu pu ufisa püntütripalu ti kechan mu, pu longkolelu trawünche mu newentukey ñi kintuafiel ka kelluafiel pu amuldunguwenolu (Lk 15:4-7). Tüfa pengeli Chaw Jewba ñi duamtunieetew engün (Jer 23:3, 4). Welu pu longkolelu müten no, doy may kom iñchiñ kelluafuiñ pu amuldunguwenolu. Newentuliyiñ ñi piwkeyeafiel ka küme duamelafiel engün, ayüwülafiyiñ ta Jewba ka fentren kümelkan nieaiñ (Pr 19:17; Hch 20:35). Feymu llemay, rakiduamnge iney tami yafültukuafiel ka müchay müten kellufinge.

PEFINGE TI VIDEO YAFÜLTUKUAFIYIÑ PU AMULDUNGUWENOLU, KA WIÑOLDUNGUNGE TI MÜLEYECHI RAMTUN:

• Rosa pefilu ta kiñe lamngen ñi kimnofiel, ¿chem femi?

• Küpa kellufiliyiñ ta kiñe amuldunguwenolu, ¿chumngelu müley taiñ nütramkalelafiel pu longkolelu?

• Rosa wiñopemetufilu ta Laura, ¿chumngechi pepikawi?

• Rosa yafültukumekefilu ta Laura, ¿chumngechi pengeli ñi ñochi duamngen ka piwkeyewün?

• Jesus ñi nütram mülelu Luka 15:8-10 mu, ¿chem kimeltueiñmu?

• Laura llowlu am fillke kellu, ¿chum tripay?