Konle 2019 tripantu, doy nieaiñ ta tiempo taiñ küme pepikawküleal ñi amual ti Trawün Jesus tañi lan ñi akordangeal. ¿Chumngelu am doy nieaiñ tiempo? Feychi semana legkonle tüfachi falin trawün lunes puwlu viernes mew, ngelayay ti trawün Taiñ Mongen ka Taiñ Amuldungukeel. Welu legkonle sabado kam domingo antü mu, ngelayay wewpin ka chillkatungelayay Ti Werken. Fey, ¿chumafuiñ niealu iñchiñ doy antü? Küme pepikayafiyiñ kom chi dungu ñi femngeal chi trawün, chumngechi ñi femken kuyfi tati pu apostol (Lk 22:7-13; km 3/15 pag. 1). Welu, ¿ka chem chumafuiñ taiñ rüf kelluaetew tüfachi falin trawün?

• Rakiduamafuiñ ñi fente falin-ngen taiñ amual tüfachi trawün mu (1Ko 11:23-26).

• Llellipuafuiñ fey taiñ ngüneduamuwal: “¿Küme weniyeniepefiñ may ta Jewba?”, ramtuwaiñ (1Ko 11:27-29; 2Ko 13:5).

• Ngüneduamafuiñ Biblia ka fillke dungu nütramkelu ñi fente falin-ngen tüfachi trawün (Jn 3:16; 15:13).

Feychi petu ñi puwnon ti Trawün Jesus tañi lan ñi akordangeal, kiñeke peñi ka lamngen inaduamkey ñi feypin ti papel Fill Antü Ngüneduamaiñ tati Biblia. Kakelu che, inaduamkey Jesus ñi rupan pengelkelu tüfachi pagina mu ka pagina 5 mu. Kiñeke che ka inaduamkey kiñeke chillkatun tripalu Ti Werken mu nütramkakelu fente taiñ piwkeyeetew Jewba ka Jesus, ka ngüneduamkelu ti Trawün Jesus tañi lan ñi akordangeal. Welu chem dungu rume dullifiliyiñ taiñ femal, ¡müna kelluaeiñmu taiñ doy fülkonal ta Chaw Jewba mu ka tañi Fotüm!