TAIÑ KRISTIANO MONGEN
Akordafimün Lot ñi domo
Lot ñi domo, ¿chumngelu am wiñokintuy tripalu Sodoma mew? Biblia feypikelay tüfa (Gé 19:17, 26). Welu Jesus ñi feypin mu, rakiduamafuiñ Lot ñi domo küpa elkünulay peno tañi falinke fillem (Lk 17:31, 32). Ñi femün Lot ñi domo wedalkaeyew, feymu Jewba weniyewelaeyew. Iñchiñ kay, ¿chumafuiñ taiñ inayentunoafiel ñi femün? Ngelay taiñ doyümal ti falinke fillem taiñ mongen mu (Mt 6:33). Chumngechi ñi feypiel Jesus ‘pepi poyelayafuiñ ta Ngünechen ka fentren chemkün’ (Mt 6:24). Feymu, ngüneduamliyiñ taiñ doyümniefiel ti falinke fillem, fey müte küdawelkelafiyiñ ta Chaw Ngünechen, ¿chumafuiñ kay? Ngillatuafuiñ ta Chaw Dios taiñ kelluaetew ñi ngüneduamal chem dungu küme elkünutuafuiñ taiñ mongen mu, kafey feypiafuiñ taiñ yafültukuaetew ñi femngechi femal.
PEAFUYMI KÜLA TROKIÑ TÜFACHI PELIKULA AKORDAFIMÜN LOT ÑI DOMO, FEY WIÑOLDUNGUNGE TI MÜLEYECHI RAMTUN:
-
Tañi femkeel mu, ¿chumngechi pengelafun tañi akordaniefiel Lot ñi domo?
Gloria ñi pu che dikümtukueyew ñi nieal doy falinke fillem, ¿chumngechi tüfa wedalkaeyew ñi rakiduam, ñi femün ka ñi feypin?
-
Tañi rupan Lot ñi domo, ¿chem kimeltukeeiñmu?
-
Biblia ñi ngülam, ¿chumngechi kellufi ta Juan ka tañi pu che?
-
Ana ñi pu kompañ küdaw, ¿kellupeeyew may ñi weniyefiel ta Chaw Jewba?
-
Ñi doyümnoal ti falinke fillem taiñ mongen mu, ¿chumngelu duamfali taiñ fütra piwkekünuwal?
-
Rene ka Gloria, ¿chem dungu femingu ñi wiño doyümal küdawelkefiel ta Jewba?
-
Tüfachi pelikula, ¿chem ngülam Biblia mu pengelkey?
