Pablo elfalkünulelfi ta Tito ñi amual “kake kiñeke waria mew”, fey tañi “dulliael ti longkolealu Ngünechen ñi trokiñ feyentulelu mew”. Ka femngechi famülke mew, pu witran-ngepakechi longkolelu dullikey tati pu peñi longkolealu ka konakechi kellualu ti trawünche mu.
KIÑEWKÜLECHI NGÜNENIELU
Chumngechi ñi femngekeel kuyfi, famülke mew ti Kiñewkülechi Ngünenielu elfalkünulelfi pu witran-ngepakechi longkolelu ñi dullial tati pu peñi longkolealu ka konakechi kellualu ti trawünche mu.
WITRAN-NGEPAKECHI LONGKOLELU
Tati pu longkolelu ti trawünche mu feypifi tati witran-ngepakechi longkolelu iney longkoleafuy ka konakechi kelluafuy ti trawünche mu. Fey tati witran-ngepakechi longkolelu ngillatun mu ngüneduamkey tüfa, femngechi ñi dullial pu peñi longkolealu ka konakechi kellualu.
PU LONGKOLELU
Pu peñi elfalkünungelu ñi longkoleal ti trawünche mew, amulepe ñi küme yenieal tañi mongen chumngechi ñi feypiel ta Biblia.
