CHUMNGELU FALIN-NGEY: Kom iñchiñ pu poyekefilu ta Jewba mangelkefiyiñ itrokom pu che kake tuwün nielu, fey feypifiyiñ reke: ‘Pütokopamün mongen ko, ta Ngünechen ñi wülel’ (Ap 22:⁠17). ¿Chem adentuley tüfachi “mongen ko”? Tüfa kom ñi elukefiel Jewba tati pu che inakefilu ñi ngülam, fey ñi montuluwal engün culpan ka lan dungu mew. Iñchiñ kakerume che kellukefiyiñ, chem wimtun kam religion nieafuy rume. Feymu küme rakiduamaiñ chumngechi kimelelafiel engün tati “rumel mülekechi werken dungu”, fey ñi puwal kidu ñi piwke mu engün (Ap 14:⁠6).

CHUMNGECHI ÑI FEMNGEAL:

• Küme rakiduamaymi chem kümeke nütram entuafuymi tami amuldungulelafiel ta pu che ka chem texto pengelelafuymi, femngechi puwaymi kidu ñi piwke mu. Feymu ramtuwafuymi: “¿Chem ayüafuy ñi nütramkalelngeal pu che? ¿Chem texto kümelkalentukefi engün? ¿We rupapey may kiñe dungu petu ñi longkontukuniefiel pu che? Pu wentru, ¿chem dungu ayükey ñi nütramkayal? ¿Pu domo kay?”. Feymu tami femal tüfa, dulliafuymi kiñe nütramkan mülelu ti trokiñ “Chem nütramkayafuiñ”, kam kakelu dungu ñi küme llowkeel ta che.

• Küme inayafimi ti pentukun ka tati wimtun ñi nieel pu che chew tami amuldungukeel (2Ko 6:⁠3, 4).

• Küme kimafimi kom tati papel ka video mülelu ti trokiñ fillke kellu taiñ kimeltucheal, femngechi tami pengelelafiel pu che ayülelu ñi doy kimal.

• Tami celular kam tablet mu, entuafuymi fillke papel ka video feychi kewün ñi dunguel pu che chew tami mülen.

• Dullifulmi rume chem tami nütramkayal, welu ti ngen ruka ka dungu duamniele ñi allkütual, nütramkalelafuymi feychi dungu ñi duamnieel (1Ko 9:⁠19-23). Rakiduamnge tüfa: nütramkafilmi kiñe che, welu kimrumelmi ñi layeluwken ti che, ¿chem feypiafuymi?

PEFINGE TI VIDEO, KA WIÑOLDUNGUNGE TI MÜLEYECHI RAMTUN:

• Ti amuldungupelu, ¿chem wüne nütramkafi tati ngen ruka?

• Ti ngen ruka, ¿chem dungu rupamekey ñi mongen mu?

• Ti amuldungupelu, ¿chem texto dulli ñi pengelelafiel tati ngen ruka? ¿Chumngelu kümelkay?

• Eymi kay, ¿chumkeymi tami doy küme entual tami nütram, fey ñi puwal pu che tañi piwke mu?