Kuyfi mew, pu autoridad fentren rupa kellukefi Jewba tañi trokiñche (Esd 6:⁠1-12; Est 8:⁠10-13). Fantepu ka femngechi dungu rupakey. Apokalipsi 12:⁠16 feypikünuy tüfa, feypilu: “Ti Mapu nülatripay wün reke, fey wütrukoni ti ko tati fütra filu tañi wütrunentuel tañi wün mew”. ¿Chem adentuley tüfa? “Ti Mapu” fey tati pu autoridad katrütukefilu ti kayñetun ko reke felelu, tüfa küpay tati “fütra filu” mu, fey tati Weküfü. Fey kiñeke mu, ¿chumngelu pu autoridad kelluafuy Jewba tañi pu che? Kidu llemay elueyew engün ñi femngechi femal. Feley llemay, Jewba montulkefi tañi pu che (Sl 68:⁠20; Pr 21:⁠1).

Welu, ¿carceltukungelmi kay tami feyentun mu? Jewba may, ¿kidukünupeeymu? Femlay. Chaw Jewba fente küme kimniey tami rupameken (Gé 39:⁠21-23; Sl 105:⁠17-20). Feley llemay, fente tami feyentulen Chaw Dios mu, kümelkangeaymi llemay. Kafey yafültukuafuymi kom pu peñi ka pu lamngen wall Mapu mu (Fil 1:⁠12-14; Ap 2:⁠10).

PEFINGE TI VIDEO LIFREKÜNUNGEY TAIÑ PU PEÑI MÜLELU COREA MAPU MU, KA WIÑOLDUNGUNGE TI MÜLEYECHI RAMTUN:

• Rupayechi tripantu mu, pu peñi mülelu Corea del Sur mapu mew carceltukungey, ¿chumngelu kay?

• ¿Chumngelu am kiñeke engün lifrekünungey petu ñi puwnon ti seña antü?

• Kiñeke taiñ pu peñi ka pu lamngen presukonküley tañi feyentun mu, ¿chumngechi kelluafuiñ engün?

• ¿Chem dungu femafuiñ taiñ lifrelen mu?

• Wewtripaliyiñ wingkañmangen mu, ¿iney feley ñi püramyengeal taiñ wewün mu?