Kiñe che wiñorakiduamtunole ñi culpan mew, wemünentungeay, femngechi norümngekey ti culpalu ka kuñiwtukungekey ti trawünche (1Ko 5:⁠6, 11). Wemünentungen mu kiñe che, fey tüfa müna weñangkülkefi tañi familia ka pu longkolelu. Welu inanieliyiñ Jewba ñi feypin tüfachi dungu mew, pengelaiñ piwkeyewün, ¿chumngelu feypiafuiñ tüfa?

Iñchiñ piwkeyefiyiñ ta Jewba, feymu ayükelaiñ ñi weda dunguyengeal ta kidu kam tañi werkün dungu (1Pe 1:⁠14-16). Welu kafey inanieliyiñ Jewba tañi feypin, pengelaiñ taiñ piwkeyefiel feychi che wemünentungelu. Norümngen mu kiñe che, müna weda duamküleafuy, welu fey tüfa kelluafeyew ñi nieal küme rakiduam ka kiñe lif mongen (Eb 12:⁠5, 6, 11). Iñchiñ küpa chumkonkelaiñ Jewba ñi femkeel tañi norümcheal, feymu kiñewkülelayaiñ feychi pu che wemünentungelu ka elkünulu ti trawünche. Ngoymakilnge, Jewba küme kimniey chumngechi norümafiel tañi pu che (Jer 30:⁠11). Iñchiñ ayükeiñ feyti wemünentungelu ñi wiñotual Jewba mu. Feymu petu taiñ üngümniefiel, amulepe taiñ inayafiel Jewba ñi werkün dungu ka taiñ küdawelafiel (Isa 1:⁠16-18; 55:⁠7).

PEFINGE TI VIDEO NOR PIWKEYEFINGE TA JEWBA, KA WIÑOLDUNGUNGE MÜLEYECHI RAMTUN:

• Kiñe yall poyewenofile ta Jewba, ¿chum duamküleafuy pu chaw?

• Kiñe che wemünentungele trawünche mu, ¿chumngechi kellungeafuy tañi familia?

• Doy falin-ngey piwkeyeafiel ta Jewba tati familia mew, ¿chem nütram Biblia mu pengeli tüfa?

• ¿Chumngechi pengelafuiñ taiñ doy piwkeyefiel ta Jewba taiñ familia mew?