Eymi weche kam eymi chillkatumekelu Biblia, ¿küpa fautizawimi? Wülkünulmi tami mongen Jewba mu ka fautizawülmi, müna kelluaeymu, ¿chumngelu? Weniyeafuymi ta Chaw Jewba (Sl 91:⁠1). Kafey nieafuymi rumel mongen (1Pe 3:⁠21). Feymu, ¿chem chumafuymi tami fautizawal?

Eluwnge tami rüf maneluwküleal Jewba tañi kimeltukeel mew. Adümnofilmi kiñe dungu, eluwnge tami doy küme chillkatual (Rom 12:⁠2). Duamniefulmi norümtual kiñe dungu tami mongen mu, küme elkünutufinge. Longkontukunienge rumel tami ayüwülafiel ta Jewba (Pr 27:⁠11; Ef 4:⁠23, 24). Rumel ngillatuniefinge ta Jewba tami kelluaetew. Maneluwkülenge tüfa: Jewba rumel elunieaeymu tañi newen (1Pe 5:⁠10, 11). Chem dungu rume femülmi, Jewba kümelkayaeymu. ¿Kümenoafulu küdawelafiel ta Jewba? (Sl 16:⁠11).

PEFINGE TI VIDEO CHEM TAÑI FEMEL ÑI FAUTIZANGERPUAL, KA WIÑOLDUNGUNGE TI MÜLEYECHI RAMTUN:

• Kiñeke peñi ka lamngen, ¿chem küdawngechi dungu chaftuyngün ñi fautizawal?

• Eymi peñi kam lamngen, küpa wülkünulmi tami mongen Jewba mu, ¿chumafuymi?

• Kiñeke peñi ka lamngen, ¿chem dungu nengümeyew ñi fautizawün?

• Feyti pu peñi ka lamngen doy küdawelkefingün Jewba, ¿chumngechi kümelkangeyngün?

• Tami wülkünual tami mongen Jewba mu ka tami fautizawal, ¿chem pengelaymi?