Famülke mu, tati pu che weluley ñi rakiduam chem ñi kümen ka chem ñi kümenon (Isa 5:⁠20). Kiñeke che femkey Jewba tañi üdekeel. Chaf wentru kudumuwkey, pu domo ka femngechi femkeyngün. Fey pu weche poyekefilu ta Jewba dikümtukungeafuy ñi femal femngechi wedake dungu. Eymi chaw, eymi ñuke, ¿chumngechi kelluafuymi tami pu yall ñi küme chaftuafiel tüfa?

Kimelelafimi chem rakiduamkey Jewba tati kudumuwün dungu mew (Le 18:⁠3). Pichikalu engün, kiñeke dungu müten kimeltulelafuymi, welu tremkülele engün, doy dungu feypiafuymi (Dt 6:⁠7). Kimelelafuymi ñi kuñiwtukuwküleal ñi pekan dungu femnoaetew kakelu che ka ñi yamnieaetew engün. Kafey ngülamtuafimi ñi küme tukutuwküleal engün. Eymi chaw, ñuke, ramtuwnge: “Tañi yall pengelngele pornografía kam ngüchaltukungele ñi femal wedake dungu, ¿kimayngün chem chumal?”. Kimeltulelfilmi tami pu yall, kimayngün tañi chumal (Pr 27:⁠12; Ec 7:⁠12). Pu yall kiñe falin regalo reke feleyngün küpalu Jewba mu, feymu küme enseñalfilmi, pengelaymi tami falintukefiel engün (Sl 127:⁠3).

PEFINGE TI VIDEO ELUWAIÑ TAIÑ KÜME REÑMAWEN-NGEAL: KUÑIWTUKUAFIYIÑ TAIÑ PU YALL ÑI WEDALKANGENOAL, KA WIÑOLDUNGUNGE TI MÜLEYECHI RAMTUN:

• Kiñeke chaw, ¿chumngelu newe eluwkülekelayngün ñi nütramkayafiel tañi pu yall ti kudumuwün dungu mu?

• Pu chaw, ¿chumngelu müley ñi kimeltuafiel tañi pu yall chumngechi poyeafiel ta Jewba? (Ef 6:⁠4).

• Jewba ñi trokiñche, ¿chem falinke kellu elelfi pu chaw ñi kelluafiel ñi pu yall? (w19.05 pag. 12, wichulechi dungu).

• ¿Chumngelu duamfali tami rumel nütramkayafiel tami pu yall, petu ñi kon-non wedake dungu mew?