Kom ñi dewmael “wüldungumekey ta Chaw Ngünechen ñi fütra pepiluwün” (Sl 19:1-4; 139:14). Welu tati Weküfü ñi ngünenieel ti Mapu kimeltukey fillke rakiduam chumngechi ñi dewmangeel ta mongen, tüfa ta illamkakefi ta Chaw Dios (Rom 1:18-25). ¿Chumafuymi ñi kon-noal tüfachi rakiduam tami pu yall ñi piwke mu? Petu pichikalu engün, kelluafimi ñi feyentual ñi mülen ta Ngünechen ka ñi duamnieetew engün (2Ko 10:4, 5; Ef 6:16). Ngüneduamnge chem ñi rakiduamkeel tami pu yall ñi kimeltungekeel kolegio mu, ka kimeltulelfinge ti fillke müleyechi kellun ñi puwal tañi piwke mu (Pr 20:5; San 1:19).

NGÜNEDUAMNGE TI VIDEO PU WECHEKECHE ÑI FEYPIN: FEYENTUAL NGÜNECHEN MU, KA FEY WÜLA WIÑOLDUNGUNGE TÜFACHI RAMTUN:

• Ñi feyentukeel Ngünechen mu, ¿chem feypikey ta che famülke mu?

• ¿Chem kimeltungekeymi tami kolegio mu?

• ¿Chumngelu rakiduamkeymi ñi mülen ta Chaw Ngünechen?

• ¿Chumngechi kelluafuymi kakelu che ñi kimtukual taiñ Fütra Chaw ñi dewmael kom tati müleyelu?