Epe konlu ti Paskua kawiñ 32 tripantu taiñ mülen antü mu, Jesus femi kiñe afmatun dungu, tüfa müten wirintukungey ti meli lifru Evangelio mu.

Tüfachi afmatun dungu mu, Jesus elkünuy kiñe adkünu dungu petu femngekelu famülke mu.

14:16-21

• Jesus feypifi tañi pu disipulo ñi eluafiel iyael ta fentren che, niefulu rume kechu kofke ka epu challwa müten.

• Jesus nüfi tati kechu kofke ka ti epu challwa, rupan ngillatufilu ta Ngünechen ka elufi tañi pu disipulo, fey kidu engün eluyefi tati pu che.

• Kom pu che tuduamingün ñi iyael mu. Jesus ileltufi ta fentren che tañi pu disipulo ñi kellun mew, pichin-ngefulu engün rume.

• Jesus feypikünuy ti afaelchi antü mu ñi elfalkünuafiel kiñe trokiñche tañi wülal iyael “puwchi antü mu” (Mt 24:45, TNM).

• 1919 tripantu mu Jesus dullifi ti “kim manelfal kona”, tüfa kiñe pichi trokiñ kristiano dullingelu ka ‘elfalkünungey tañi kakelu kona mew’, fey engün pu llowkelu Ngünechen ñi kimeltun.

• Tüfachi pichi trokiñ kristiano dullingelu, adniekeeyew Jesus ñi wülal iyael chumngechi ñi elkünuel wünen siglo mu.

Jesus elkünuy chumngechi ñi kimeltulelafiel tañi pu che Ngünechen ñi kimün, fey ¿chumngechi pengelafun iñche tañi yamniefiel ka inaniefiel?