TAIÑ KRISTIANO MONGEN
Petu taiñ üngümkülen, maneluwaiñ Ngünechen mu
¿Tunteñma üngümküleymi ñi akual Jewba tañi Gobierno? Wedake dungu rupaliyiñ rume, ¿maneluwkepeiñ may Ngünechen mu? (Rom 8:25). Kiñeke kristiano üdeeyew pu che, wedalkangeyngün, aneltungeyngün ñi langümngeal ka karseltukungeyngün. Kakelu müna kutranküleyngün kam füchayngün.
Fey wedake dungu rupaliyiñ, ¿chumafuiñ taiñ üngümküleal ka newentuleal? Papeltuafiyiñ ti Biblia ka rakiduamaiñ taiñ papeltuel mu, femngechi doy maneluwaiñ Jewba mu. Kafey piwkentukuafiyiñ “tati fütra küme ayüwün Ngünechen taiñ eluaetew” (2Ko 4:16-18; Eb 12:2). Ngillatuafiyiñ ta Jewba taiñ eluaetew ñi newen, femngechi newenküleaiñ (Lk 11:10, 13; Eb 5:7). Feymu ñochi duam mu ka ayüwün mu, üngümküleaiñ. Taiñ Wenu Chaw kelluaeiñmu taiñ femal tüfa (Kol 1:11, 12).
PEFINGE TI VIDEO MÜLEY TAIÑ LEFAEL AFELUWNON MU: KÜME MANELUWKÜLEAIÑ WEWAEL TI KULLITUN, KA WIÑOLDUNGUNGE TI MÜLEYECHI RAMTUN:
-
¿Chem wedake dungu ruparumeafuy taiñ mongen mu? (Ec 9:11).
-
Ti llellipun, ¿chumngechi kelluafeiñmu chaftuafiel wedake dungu?
-
Pepi küdawelnofiliyiñ ta Jewba chumngechi taiñ femkefel kuyfi mu, ¿chumngelu rakiduamafuiñ taiñ femafel?
-
Piwkentukuafimi tami kullitun.
¿Chem kelluafeymu tami wewal ti kullitun?
