Adkintufiliyiñ kiñe küme adngechi rayen, ñi alofkülen pu wangülen kam kiñe fütra trayenko, rakiduamkeiñ Iney ñi dewmafiel, ¿felelay anchi? Kom dewmangelu, kimfalkünueiñmu ñi chumngen ta Ngünechen (Rom 1:20). Küme ngüneduamliyiñ Chaw Jewba tañi dewmael, peafuiñ ñi newen-ngen, piwkeyechefengen, ñi kimün-ngen, norngen ka ñi kellucheken (Sl 104:24).

Fill antü pekeiñ Jewba ñi dewmael. Waria mu müleliyiñ rume, adkintuafuiñ üñüm ka anümka. Ngüneduamafiel ñi dewmael ta Jewba, müna kelluafeiñmu taiñ fill rakiduamkülewenoal, doyümal ti doy falin-ngechi dungu ka doy maneluwal Jewba taiñ kuydanieaetew (Mt 6:25-32). Chawngelmi kam ñukengelmi, kelluafimi tami pu pichikeche ñi ngüneduamafiel chumngen ta Jewba. Doy mañumtufiliyiñ ta Jewba itrokom tañi dewmael mu, doy fülkonküleaiñ kidu mu (Sl 8:3, 4).

PEFINGE TI VIDEO NGÜNECHEN ÑI DEWMAEL ITROFILL PENGELKEY ÑI PÜRAMYEFALNGEN TA KIDU: TI PELON ANTÜ KA FILLKE KOLOR, KA WIÑOLDUNGUNGE TI MÜLEYECHI RAMTUN:

• ¿Chumngelu kakerume kolor müley?

• Kiñe kolor, ¿chumngelu kakerumeafuy ñi wilüfken?

• Kallfü wenu mu, ¿chumngelu kakerume kolor müley?

• Inafül tami ruka mu, ¿chem afmatufal kolor pekefimi?

• ¿Chumngelu eluwaiñ taiñ adkintuafiel itrofill dewmangelu?