Rume cümei taiñ cüme raquiduamal chumngechi taiñ doi cüdahuelafiel ta Jehová (1Co 9:26). Pichilehuei ñi afal huesaque dungu, feimu doi cüdahuelfiliyiñ ta Jehová, ngünamcalayaiñ taiñ tiempo (Ef 5:15, 16). Tami familia eimün nütramcayafuimün chumngechi doi cüdahuelafiel ta Jehová ti hue tripantu ñi cüdahuelngequeel ta Jehová, tüfa coni 1 septiembre ca puhui 31 agosto. Feitachi cüyen ca ti cüpalelu mu, peaimi quiñeque troquiñ nütramcalu fillque dungu mu tami doi cüdahuelafiel Jehová. Fei raquiduamafuimi tüfa mu ca ngillatuafuimi Jehová (Snt 1:5).

Por ejemplo, com pu familiahuen quelluhuafui quiñe rehuall ñi precursor regularngeal. Huelu eimi llicaleimi chi, ¿rüf puhulafun chi am 70 hora fill cüyen? piafuimi. Femngechi rupalmi, nütramcayafimi caquelu precursor femngechi mongen nielu eimi reque (Pr 15:22). Chillcatulmün tami familia eimün, mangelafuimün quiñe precursor ca ramtuafuimün quiñeque dungu. Huirintucünuafuimi quiñe papel mu chumngechi tami cüdahual. Cuifi precursorngequefuimi chi, fei ca precursorngeafun fachantü piafuimi.

Tami familia mu, ¿quiñe rehuall precursor auxiliarngeafui quiñe cüyen cam doi chi? Eimi ayülmi tami precursor auxiliarngeal huelu müte nehuen-ngehuenolmi, fill antü pichique amuldunguafuimi. Ca femngechi müte nienolmi tiempo tami amuldungual semana mu, colegiotulmi cam cüdauqueimi chi, feimu precursor auxiliarngeafuimi quiñe cüyen nielu quechu fin de semana cam quiñeque feriado. Quiñe calendario mu, huirintucuafuimi chem antü mu tami amuldungual, femngechi tami precursor auxiliarngeal (Pr 21:5).

PEFINGE TI VIDEO FÜTRA PIWKEKÜNUWPE... PU WÜNELEKELU AMULDUNGUN MU CA HUIÑOLDUNGUNGE TI MÜLEYECHI RAMTUN:

• Ñi rupan taiñ lamngen, ¿chem quimeltueiñmu Jehová chumngechi ñi cuidaquefiel pu precursor?