Jehová ayüniei com familia ñi ayüucüleal (Sl 127:3-5; Ec 9:9; 11:9). Huelu quiñeque mu, fill raquiduam nieafuiñ cam huelulcahuafuiñ quiñeque dungu mu, femngechi taiñ familia ayüucülehuelayafui. ¿Chumafui com concülelu ti familia mu ñi doi ayüucüleal engün?

Ti füta mülei ñi falintuafiel ñi domo (1Pe 3:7). Elquei antü ñi müleal ñi domo engu, feipiquelafi ñi femal pepilnoelchi dungu, ca mañumtuquefi com dungu ñi femquen fei mu ca tañi familia mu (Col 3:15). Feipiquefi tañi piuqueyeniefiel ca saquiquefi (Pr 31:28, 31).

Ti domo eluucüleai ñi quelluafiel ñi füta (Pr 31:12). Ti domo ngünenieyu ñi füta, feimu quelluquefi (Col 3:18). Piuqueyenquechi dunguquefi. Cafei nütramcan mu caquelu che engu, cüme dunguquei ñi füta mu (Pr 31:26).

Pu chau mülei ñi elcünual antü quiñentrür ñi müleal tañi pu yall engün (Dt 6:6, 7). Feipiquefi engün ñi piuqueyeniefiel (Mt 3:17). Ca duamfalngefule, piuqueyenquechi norümtuquefi quiñeque dungu mu (Ef 6:4).

Pu yall mülei ñi respetayafiel ca inayafiel ñi feipieteu ñi pu chau (Pr 23:22). Feipiquefi tañi raquiduamcülen engün ca ñi chum duamcülen. Ca cüme llouquefingün ñi norümtueteu tañi pu chau (Pr 19:20).

PEFINGE TI VIDEO ¿CHUMNGECHI AYÜUCÜLEAFUIMI TAMI PU CHE EIMÜN?, CA HUIÑOLDUNGUNGE TI MÜLEYECHI RAMTUN:

Caque quiñeque ti familia, ¿chumingün com ñi ayüucüleal engün?