Kom pu chaw ka ñuke poyekefilu ta Jewba ayüniey tañi pu yall ñi nor piwkeyeafiel ta Chaw Dios. Feymu pichilu müten ñi pu yall, yafüluwkey ñi kimeltulelafiel engün Biblia ñi dungu, fey ñi puwal tañi piwke mu engün (Dt 6:7; Pr 22:6). Feymu küdawngele rume, duamfali kelluafiel pu yall ñi küme tripayal engün (3Jn 4, TNM).

Pu chaw ka ñuke inayentuafuyngün Jose ka Maria ñi femün. Kidu engu doyümniekefuy tañi pu yall ñi fülmawküleal Jewba mu, feymu “fill tripantu amukerkey Jerusalen ti Paskua pingechi kawiñ antü mew”, küdawngelu ka müna falilu rume amual fütra kamapu (Lk 2:41). Ka femngechi famülke mu, pu chaw müley tañi eluwküleal ñi kimeltulelafiel tañi pu yall tañi feypikeel ka femkeel mu, fey tañi inanieal engün Jewba ñi ngülam (Sl 127:3-5).

PEFINGE TI VIDEO KIDU ENGÜN LLOWI CHEM KÜDAW RUME, KA WIÑOLDUNGUNGE TI MÜLEYECHI RAMTUN:

• Jon ka Sharon Schiller tremümfilu tañi pu yall, ¿chumngechi doyümniefingu Chaw Ngünechen ñi dungu?

• Pu chaw ka ñuke, ¿chumngelu kakerumey chumngechi ñi kimeltukefiel ka norümkefiel kiduke ñi pu yall?

• Pu chaw ka ñuke, ¿chumngechi kelluafuyngu tañi pu yall ñi afeluwnoal kintukaduamngele?

• Chaw Jewba ñi adkünuelchi trokiñche elueiñmu fillke kellu, ¿chuchi adümkefimi tami kelluafiel tami pu yall kam püñeñ ñi doy weniyeafiel ta Ngünechen?