23 antü marzo küyen mu, llowaiñ mari epu millon che küpayalu tati Tukulpan Jesu ñi lan mu. Ti wewpife feypiay Jewba ñi wülkünuel tati montulchen ñi kümelkayafiel itrokom che mu, tüfa kiñe afmatufalchi yewün reke feley (Isa 11:6-9; 35:5, 6; 65:21-23; Jn 3:16). Welu tati wewpife müten wüldungulayay feychi falin antü mu. Ka femngechi iñchiñ eluwküleaiñ taiñ küme llowal tati pu witran (Ro 15:7). Peaiñ kiñeke ngülam.

• Petu ñi llitunon ti trawün, ngelay tami anükünuwal müten, doy may müley tami küme llowafiel tati pu witran ka tati pu amuldunguwenolu. Fey ayelelfinge ka weniyefinge.

• Küme duamyefinge tati pu che mangelngelu, kafey adkintuleaymi feychi che küpalu ñi llowün kiñe wirikonkülechi mangelün, tati amuldungun küdaw mu. Feypifinge “anüpange mür iñchiw”. Femngechi pengelelafuymi tami Biblia ka tami ülkantuwe.

• Dewelkale ti wewpin, nütramkafinge ti witran niefule kiñe ramtun. Tami trawünche mülefule ñi matu tripatual, fey ñi konal kangelu trawünche, feypifinge tati che ñi nütramkawal ka antü mu. Feypilelafuymi: “Ayüafun ñi kimal tüfa, ¿ayüfimi tati trawün? Kafey, ¿chumngechi wiño nütramkayafuyu inchiw?”.