Ti papil ¿Iney engün am femmekey Jewba ñi ayükeelchi dungu famülke mu?, tüfa pepikangey taiñ inaduamal pu chillkatukelu engu konle kam dewle ti chillkatun. * Kimeltun 1 puwlu 4 kellukey pu chillkatukelu ñi peal taiñ trokiñche ñi kiñewkülen. Kimeltun 5 puwlu 14 pengeli taiñ femken, ka kimeltun 15 puwlu 28 pengeli taiñ adkünuelchi trokiñche ñi femmeken. Doy kümey ñi inaduamal ti papil chumngechi ñi adkünungeel, welu duamngele inaduamal kangelu kimeltun ka femngeafuy. Kiñe pagina müten puwkey ti kimeltun ka ngüneduamngeafuy kechu kam mari minuto.

• Inaduamnge ti wenulechi ramtun pagina mu

• Trür papeltuaymu ti kimeltun, kom inaduamafuymu kam trokiñke dungu mu

• Nütramkayaymu tamu papeltupeel. Inaduamnge ti ramtun mülelu nagaltu ka ti adentun. Papeltunge ka inaduamnge ti doy falinke texto. Pengelnge ti kurülechi wirin wiñoldungukelu ti wenulechi ramtun

• Mülele kiñe wichulechi dungu “Tami doy kimal” pingelu, trür papeltuaymu ka yafültukufinge ti chillkatukelu ñi inayal ti ngülam