Ti papil Escuche a Dios adentun mu kellukey pu che newe kim papeltunolu ñi kimal Biblia ñi rüf dungu. Ti kimeltun epu pagina puwkey, niey fill adentun küme pepikangelu ka flecha ñi adkünungeal ti nütram.

Ti papil Allkütufinge ta Chaw Ngünechen tami rumel mongeleal niey doy wirintukun ñi ngüneduamal pu chillkatukelu doy kim papeltulu, ka trür femngechi adentun niekey ti papil Escuche a Dios mu. Ti chillkatukelu inaduamfile ti papil Escuche a Dios, kiñeke amuldungukelu inaduamkey Allkütufinge ta Chaw Ngünechen tami rumel mongeleal. Tüfa niey wichulechi dungu ñi ngüneduamngeal ti chillkatukelu tunte ñi pepilnieel.

Chem antü rume eluafuymi tüfachi epu papil, feychi küyen ngenole rume ñi elungeal. Kafey kimeltumekelmi Biblia, inaduamnge fillke adentun ñi kimfalkünual Biblia ñi nütram. Papeltunge ka ngüneduamnge ti texto mülelu nagaltu pagina mu. Ka afle ñi papeltun ti papil, inaduamnge ti lifru Tati Biblia ñi rüf kimeltukeel ñi kelluafiel ti chillkatukelu ñi fawtisangeal.