25:1-12

Jesus nütramkalelfi tañi pu inanieetew dullingelu tüfachi nütram ti mari üllchake domo mu, welu kom iñchiñ entuafuiñ kümeke kimeltun (w15-S 15/3 pag. 12-16). ‘Eymün feley tamün trepeluwküleael reke, kimnolu am eymün tati antü ka ti ora no rume’ (Mt 25:13). ¿Kimfalkünuafuymi tüfachi nütram?

• Tati Nofio (v. 1): Jesus.

• Pu üllchake domo küme pepikawkülelu (v. 2): Pu dullin kristiano pepikawkülelu ñi küme wechunenturpual tañi elfal küdaw ka alofkülelu reke ti afaelchi antü mu (Fil 2:15).

• Allküngey ñi wirarün: “¡Dew küpaley tati nofio!” (v. 6): Kimfalkünungey Jesus ñi dew ngünenien wenu mu.

• Pu üllchake domo pepikawkülenolu (v. 8): Pu dullin kristiano llowmefilu tati Nofio, welu trepeluwkülenolu am manelfalngewelayngün.

• Pu üllchake domo pepikawkülelu pilay tañi misayal tañi aseyte (v. 9): Pu dullin kristiano manelfalngelu feypikünungeay tañi rüf mülepual wenu mu, feymu pepi kelluwelayafingün tati pu dullin kristiano manelfalngenolu.

• “Akuy tati nofio” (v. 10): Epe dewkülele ti fütra kutrankawün, Jesus eluway ñi ramtukadunguafiel ka kastigayafiel pu che.

• Pu üllchake domo pepikawkülelu konpuay ti Nofio engün tati mafün mew, fey rakümkünungeay tati wülngiñ (v. 10): Wenu mapu mu, Jesus trawülafi pu dullin kristiano manelfalngelu, welu tati pu manelfalngenolu elungelayay ñi mülepual wenu mu.