CHUMNGELU FALIN-NGEY: Kuyfi mu, ti apostol Pablo wirintukuy ti karta 1 Korintio ka kakelu mari küla karta. Femngechi yafültukufi tati pu kristiano. Fantepu mu, iñchiñ wirintukuafuiñ karta taiñ amuldungucheal, fey küme dulliafuiñ chem wirintukual. Kafey ti che llowalu ti karta, fentren rupa papeltuafuy. Kiñeke taiñ pu che kam weni kamapu mülele, wirintukulelafuiñ kiñe karta taiñ amuldunguafiel. Mülele che taiñ lof mu müna duamngekelu, ka wirintukulelafuiñ karta taiñ amuldunguafiel. Rakiduamnge tüfa: küme nütramkawimi kiñe che engu, welu wiño pewtulafimi ñi ruka mu, eymi wirintukulelafuymi kiñe karta. Kiñeke che edificio mu müley, ka müley kake trokiñche chew pepi konpukelaiñ, kakelu che alü kamapu müley. Kom engün iñchiñ wirintukulelafuiñ kiñe karta. Welu kimnofiliyiñ rume ti che, ¿chem longkontukuafuiñ taiñ wirintukulelafiel kiñe karta?

CHUMNGECHI ÑI FEMNGEAL:

• Wirintukuaymi ti karta chumngechi tami nütramkalelkefiel ti che. Wüne, wirintukuaymi iney pingeymi ka kimfalkünuaymi chumngelu wirintukufimi. Fey wüla, ramtuafimi ti che kiñe dungu tami rakiduamelafiel, fey “amunge ta jw.org” piafuymi. Kimfalkünuafimi chumngechi chillkatungekey ta Biblia, kam wirintukuaymi kiñeke ramtun wiñoldungukelu taiñ fillke papel. Kafey, tati sobre mu tukuafuymi kiñe tarjeta ñi doy kimal jw.org, kiñe mangelün kam kiñe pichi papel.

• Müte alütuwkilpe ti karta, fey ñi afeluwnoal ti che (Ngüneduamnge ti karta).

• Küme adümfalngepe ka ayüfalngepe tami wiriel. Tami femal tüfa, küme ngüneduamkünufinge ti karta. Kafey kulliaymi ti plata ñi werküngeal tami karta.