Fillke dungu kelluafeiñmu taiñ doy küme adümal ka longkontukual taiñ kimeltungeel. Jewba, taiñ Fütra Kimeltufe, fillke dungu mu müna kellukefi tati pu che ñi adümal falinke dungu (Gé 15:5; Jer 18:1-6). Jesus ka küme kimeltuchefengey (Mt 18:2-6; 22:19-21). Fantepu mu, müley fillke video taiñ doy küme kimeltucheal. ¿Pengelelkefiyiñ may pu che taiñ chillkatulelkefiel?

Fachantü, nieiñ ti papel Kümeke dungu küpalu Dio mew, ka müley mari video taiñ kellukeetew doy küme kimeltucheal chumngechi ñi adümafiel tüfachi papel. Kiñeke video nüwküley ti kurüleyechi ramtun ñi nieel ti papel. Tüfa ka müley taiñ sitio internet mu. Fey mu, kiñeke kimeltun nüwküley kiñe kam epu video mu. Kafey, kake video müley taiñ pengelelafiel pu che, femngechi ñi adümafiel engün fillke papel ka lifru mülelu ti trokiñ feypilelu “Fillke kellu taiñ kimeltucheal”.

Kiñeke che taiñ chillkatulelkefiel müte kimlayngün kiñeke dungu mülelu Biblia mu. Kam rupakeyngün chi wedake dungu mu. Feymu iñchiñ kelluafuiñ llemay. Kintuafuiñ kiñe video jw.org® mu kam JW Broadcasting® mu, fey pengelelafuiñ ka trür ngüneduamafuiñ ti video.

Fill küyen we video tripakey. Pefilmi, rakiduamaymi chumngechi kelluafiel ta kakelu che ñi doy kimal Biblia mu.