CHUMNGELU FALIN-NGEY: Fentren che trawmalelu ayükelay ñi nütramkawal kimnoelchi che engu. Feymu duamfali taiñ küme pepikawküleal taiñ amuldungulelafiel engün. Chaw Jewba afkentu duamtuniefi pu trawma (Le 19:⁠14). Fey, ¿chumngechi inayentuafuiñ ta kidu? Eluwaiñ taiñ kelluafiel pu trawma ñi kimafiel ta Chaw Jewba.

CHUMNGECHI ÑI FEMNGEAL:

• Kintunieafimi pu trawma (Mt 10:⁠11). Rakiduamnge kiñe che tami kimnieel familiayefilu ta kiñe trawma. Kafey ngüneduamafuymi ñi mülen kiñe colegio kam ruka ñi kellungeal pu trawma. Kafey chew tami mülen mülele kiñe ruka chew ñi dapingekem pu füchalelu, ka fey mu mülepeafuy chi kiñe trawma.

• Duamtunieafimi. Pengelfilmi ti trawma tami rüf weniyefiel ka küme duamtufilmi, ti trawma tüngduamküleafuy, fey eluwafuy ñi nütramkayal. Fey nütramkalelafimi kiñe dungu ñi duamtuniefiel pu che chew tañi mülen.

• Kellufinge ñi kimafiel ta Jewba. Chaw Dios ñi trokiñche entukey fillke papel pu trawma ngealu, fey ñi kelluafiel engün. Ramtuafimi tati trawma chumngechi ayüafuy ñi enseñangeal. Ti longkolelu amuldungun mew müley ñi küme ngüneduamal ti elfalkünuelchi peñi ñi küme apolfiel ti formulario ñi elungeal kiñe papel tati pu trawma.